Bingtu'enlerge 13 mingdin artuq xitay kadir ishqa chüshkenliki melum boldi

Xitay hökümitining Uyghur diyaridiki siyasiy kontrolluqining yene bir wastisi herqaysi jaylardiki bingtu'enlerge xitay ölkiliridin köplep kadir qobul qilish arqiliq ishqa ashmaqtiken.

“Bingtu'en xewerliri” torining 16-apréldiki xewiride éytilishiche, bingtu'en da'iriliri nöwette “Gherbiy qisimgha yardem bérish” namida aliy mektepni püttürgen oqughuchilarni xizmetke élishni bashliwetken bolup, xitay oqughuchilar tor arqiliq tizimlitip ishqa chüshüshke bashlighan. Xewerde éytilishiche, bu xildiki xitay oqughuchilargha mu'ash, olturaq öy we bashqa jehetlerde köpligen étiwar bérish siyasetliri bolup, ular nuqtiliq halda herqaysi asasiy qatlam teweside ijtima'iy tertipni saqlash xizmiti bilen shughullinidiken. Xewere éytilishiche, mushu xildiki ichkiridin xitay oqughuchilarni qobul qilish usulida 2003-yilidin buyan 13 mingdin artuq xitay kadir herqaysi bingtu'enlerge ishqa chüshüp bolghan.

Analizchilar Uyghur diyaridiki minglighan Uyghur aliy mektep oqughuchilirining Uyghur we xitay tillirini pishshiq bilgen halettimu ishsiz qéliwatqanliqidek ré'alliqni eskertip “Bu mustemlikichi hakimiyet herqachan qollinidighan usullarning biri. Ular mushu arqiliq özlirining memuriy kontrolluqini téximu küchlendüridu” dédi.