Bingtu'en orunliri bu ayda her qaysi sahelerde adem élishni bashliwetken

Bingtu'en torida bingtu'enning köpligen kespiy orunlirigha adem alidighanliqi heqqide uqturushlar élan qilin'ghan bolup, buning ichide bingtu'en medeniyet, tenterbiye, radi'o, sayahet idarisige tewe kespiy orunlar, bingtu'en yuqumluq késelliklerning aldini élish merkizi, shixenze sheherlik bashlan'ghuch, ottura mektepler, shixenze iqtisad-téxnika tereqqiyat rayoni, aral iqtisad-téxnika tereqqiyat rayonidiki kespiy orunlar köp miqdarda xizmetchi qobul qilidiken.

Uyghur aptonom rayonining yéqinda élan qilghan “14-Besh yilliq pilani” we 2035-yilghiche yetmekchi bolghan nishanida bingtu'enni tereqqiy qildurush muhim orun'gha qoyulghan bolup, bingtu'enning kespiy orunliri yildin yilgha kéngiyiwatqan, küchiyiwatqan bolghachqa ademge éhtiyajliq, ichkiride oqush püttürüp ish tapalmay yürgen xitaylar üchün bu köngüldikidek purset. Bu uqturushta gerche bingtu'enning tereqqiyat rayonliri qanche adem alidighanliqi'i bildürülmigen bolsimu, xitayning barliq ölkiliridin xizmetchi qobul qilidighanliqi éniq.