Bingtu'enning kespiy orunliri 8-aydin bashlap yene adem qobul qilishni bashlighan

• Muxbirimiz jewlan
  2021-08-13

“Bingtu'en xewerliri” torining xewer qilishiche, bingtu'en partiye mektipi, bingtu'en bazar bashqurush idarisi, bingtu'en yémek-ichmek, dora bahalash merkizi, bingtu'en istémalchilarning hoquqini qoghdash merkizi, bingtu'en 5-déwiziye shixenze doxturxanisi, tarim uniwérsitéti qatarliq kespiy orunlar köplep adem qobul qilishni bashlighan.

Bingtu'en her yili we bir yilning qerellik waqitlirida ma'arip sahesi, tor bashqurush, türme bashqurush, doxturxana, tetqiqat orunliri we bashqa sahelerge ichkiri xitaydin we Uyghur rayonidiki aliy mekteplerni püttürgen xitay oqughuchilirini qobul qilip kéliwatqan bolup, közetchiler bu ehwalni xitayning bingtu'enni dawamliq tereqqiy qildurush, bingtu'en arqiliq Uyghur rayonini kontrol qilish, Uyghur rayonigha köplep xitay nopusini yötkesh arqiliq bu rayondiki mutleq üstünlükini saqlap qélish taktikisigha baghlap chüshendürmekte.