Bingtu'en bashqurushidiki 2 aliy mektepte alahide kesipler tesis qilin'ghan

“Bingtu'en kündilik géziti” ning xewirige qarighanda, bingtu'en'ge qarashliq 2 aliy mektepte 7 toluq kurs kesipi tesis qilin'ghan.

Bu aliy mekteplerdin biri, shinjang siyasiy-qanun instituti bolup, bu yil 1-ayda bingtu'enning bashqurushigha ötküzüp bérilgen. Bu mektep toluq kurs ma'aripini asas qilghan bolup, buningdin kéyin chonglar ma'aripi bilen kespiy terbiyeleshnimu élip baridiken.

Yene biri, tarim uniwérsitéti bolup, bu mektepke tor bixeterlikini qoghdash, mexpiyetlikni saqlash téxnikisi, mexpiyetlikni bashqurush ilmi, urdu tili qatarliq yéngi kesipler tesis qilin'ghan.

Közetküchilerning bildürüshiche, bingtu'en'ge qarashliq aliy mekteplerning köpiyishi we yéngi kesiplerning qoshulushi xitay hökümitining bingtu'enni tereqqiy qildurush arqiliq Uyghur rayonini kontrol qilish niyitini yenimu roshen körsitip béridiken. Bu yerdiki “Tor bixeterlikini qoghdash” qatarliq zil kesipler xitayning Uyghur rayonidiki teqip-nazaret sistémisi we uchurni qamal qilish éhtiyajining neqeder küchlük ikenlikini körsetse, urdu tilini mexsus kesip qilip tesis qilishi pakistan, afghanistan (taliban) bilen bolghan munasiwetlirining éhtiyajidin bolushi mumkin iken.