Биңтуән кәспий хадим қобул қилишта җәмийәткә йүзлинидиғанлиқини билдүрди

Мухбиримиз әзиз
2019-09-11
Елхәт
Пикир
Share
Принт

Йеқинда биңтуән ахбарат ишханиси уқтуруш чиқирип 2019-йили үч миңға йеқин кәспий хадим қобул қилидиғанлиқини, буларни қобул қилишта пүтүнләй җәмийәткә йүзлинидиғанлиқини билдүрди.

«Тәңритағ тори» ниң 10-сентәбирдики хәвиридә ейтилишичә, бу қетим қобул қилинидиған хизмәтчиләр алий мәктәп яки униңдин юқири оқуш тарихиға игә болуши лазим икән. Һазирға қәдәр биңтуәнләрдики кәспий хадимларниң пүтүнләй хитайлар болуп кәлгәнлики һәммигә мәлумлуқ болуп, бу қетим уларниң пүтүн мәмликәтниң һәрқайси җайлиридин кәспий хадим қобул қилиши мәзкур кадирлар қошунини техиму зорайтишқа зор дәриҗидә пайдилиқ болиду, дәп қаралмақта икән.

Йеқиндин буян хитай һөкүмитиниң биңтуәнниң сиясий орнини йүксәлдүрүшкә вә уни аталмиш «ш у а р һөкүмәт» билән баравәр орунға қоюшқа күч сәрп қиливатқанлиқи мәлум. Бу һәқтә пикир қилған америкадики уйғур паалийәтчиләрдин елшат һәсән «хитай һөкүмити өткән йиллардин буян биңтуәнләргә ғайәт зор мәбләғ селиватиду. Бу хил хизмәтчи қобул қилиш биңтуәнләрни техиму күчләндүрүшниң дәсләпки тәйярлиқи» деди.

Пикирләр (0)
Share
Толуқ бәт