Bingtu'en kespiy xadim qobul qilishta jem'iyetke yüzlinidighanliqini bildürdi

Muxbirimiz eziz
2019-09-11
Élxet
Pikir
Share
Print

Yéqinda bingtu'en axbarat ishxanisi uqturush chiqirip 2019-yili üch minggha yéqin kespiy xadim qobul qilidighanliqini, bularni qobul qilishta pütünley jem'iyetke yüzlinidighanliqini bildürdi.

"Tengritagh tori" ning 10-séntebirdiki xewiride éytilishiche, bu qétim qobul qilinidighan xizmetchiler aliy mektep yaki uningdin yuqiri oqush tarixigha ige bolushi lazim iken. Hazirgha qeder bingtu'enlerdiki kespiy xadimlarning pütünley xitaylar bolup kelgenliki hemmige melumluq bolup, bu qétim ularning pütün memliketning herqaysi jayliridin kespiy xadim qobul qilishi mezkur kadirlar qoshunini téximu zoraytishqa zor derijide paydiliq bolidu, dep qaralmaqta iken.

Yéqindin buyan xitay hökümitining bingtu'enning siyasiy ornini yükseldürüshke we uni atalmish "Sh u a r hökümet" bilen barawer orun'gha qoyushqa küch serp qiliwatqanliqi melum. Bu heqte pikir qilghan amérikadiki Uyghur pa'aliyetchilerdin élshat hesen "Xitay hökümiti ötken yillardin buyan bingtu'enlerge ghayet zor meblegh séliwatidu. Bu xil xizmetchi qobul qilish bingtu'enlerni téximu küchlendürüshning deslepki teyyarliqi" dédi.

Toluq bet