Биңтуән 2030-йилиға барғанда “җуңхуа мәдәнийити еңи” сиңдүрүлгән мәҗбурийәт маарипини 99 пирсәнттин ашуридиғанлиқини билдүргән

Мухбиримиз ирадә
2021.11.25

Уйғур елида турушлуқ ишләпчиқириш-қурулуш биңтуәни балиларни “җуңхуа мәдәнийити еңи” бойичә тәрбийәләш муһим ноқта қилинған “балилар тәрәққият пилани” ни тонуштурған. Биңтуән бу пилан бойичә 2030-йилға барғанда мәҗбурийәт маарипиниң омумлишиш нисбитини 99 пирсәнттин ашурудиғанлиқини билдүргән.

“биңтувән хәвәрлири” дә ейтилишичә, уйғур елида турушлуқ ишләпчиқириш-қурулуш армийәси мәхсус ахбарат йиғини ечип, биңтувәнниң “балилар тәрәққият пилани” ни тонуштурған. Йиғинда бу һәқтә мунулар дийилгән:

“биңтуән маарип идариси ‛балилар тәрәққият пилани‚ ни түзгәндә йеңи вәзийәт, йеңи вәзипә, маарип ислаһати вә тәрәққиятниң йеңи тәлипигә асасән, мәсилини негизидин һәл қилишни гәвдиләндүрди. Балиларда мустәһкәм җуңхуа миллити еңини бәрпа қилиш, оқуғучиларниң универсал сапаси вә иқтидарини зор дәриҗидә өстүрүп, әхлақий, әқлий, җисманий җәһәтләрдин тәрәққий қилдуридиған сотсиялистик қурғучилар вә избасарларни йетиштүрүшни тәкитлиди.”

Хәвәрдин қариғанда биңтүән “2030-йилға барғанда, оқуш йешиға тошмиғанларниң омумий оқуғучи қобул қилиш нисбитини 98. 5 Пирсәнттин ашуридиғанлиқини, мәҗбурийәт маарипиниң омумлишиш нисбитини 99 пирсәнттин ашурудиғанлиқини билдүргән.

Хитай һөкүмити уйғур елида лагерларни йолға қойғандин буян, уйғурларниң тили, мәдәнийити вә миллий маарипиға қаратқан һуҗуминиму давамлиқ күчәйтип кәлмәктә.

Чәт әлләрдики көзәткүчиләр, биңтуәнниң юқириқи бу пиланини уйғур балилирини аталмиш “җуңхуа мәдәнийити еңи” намида хитайлаштуруш маарипиниң йәниму күчәйтилидиғанлиқиниң бишарити, дәп баһалимақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.