Bingtu'en 2030-yiligha barghanda "Jungxu'a medeniyiti éngi" singdürülgen mejburiyet ma'aripini 99 pirsenttin ashuridighanliqini bildürgen

Muxbirimiz irade
2021-11-25
Share

Uyghur élida turushluq ishlepchiqirish-qurulush bingtu'eni balilarni "Jungxu'a medeniyiti éngi" boyiche terbiyelesh muhim noqta qilin'ghan "Balilar tereqqiyat pilani" ni tonushturghan. Bingtu'en bu pilan boyiche 2030-yilgha barghanda mejburiyet ma'aripining omumlishish nisbitini 99 pirsenttin ashurudighanliqini bildürgen.

"Bingtuwen xewerliri" de éytilishiche, Uyghur élida turushluq ishlepchiqirish-qurulush armiyesi mexsus axbarat yighini échip, bingtuwenning "Balilar tereqqiyat pilani" ni tonushturghan. Yighinda bu heqte munular diyilgen:

"Bingtu'en ma'arip idarisi 'balilar tereqqiyat pilani' ni tüzgende yéngi weziyet, yéngi wezipe, ma'arip islahati we tereqqiyatning yéngi telipige asasen, mesilini négizidin hel qilishni gewdilendürdi. Balilarda mustehkem jungxu'a milliti éngini berpa qilish, oqughuchilarning uniwérsal sapasi we iqtidarini zor derijide östürüp, exlaqiy, eqliy, jismaniy jehetlerdin tereqqiy qilduridighan sotsiyalistik qurghuchilar we izbasarlarni yétishtürüshni tekitlidi."

Xewerdin qarighanda bingtüen "2030-Yilgha barghanda, oqush yéshigha toshmighanlarning omumiy oqughuchi qobul qilish nisbitini 98. 5 Pirsenttin ashuridighanliqini, mejburiyet ma'aripining omumlishish nisbitini 99 pirsenttin ashurudighanliqini bildürgen.

Xitay hökümiti Uyghur élida lagérlarni yolgha qoyghandin buyan, Uyghurlarning tili, medeniyiti we milliy ma'aripigha qaratqan hujuminimu dawamliq kücheytip kelmekte.

Chet ellerdiki közetküchiler, bingtu'enning yuqiriqi bu pilanini Uyghur balilirini atalmish "Jungxu'a medeniyiti éngi" namida xitaylashturush ma'aripining yenimu kücheytilidighanliqining bishariti, dep bahalimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet