Биңтуәнниң уйғур мәҗбурий әмгикигә четишлиқ пахта мәһсулатлириниң америка базирида давамлиқ сетиливатқанлиқи илгири сүрүлмәктә

Мухбиримиз ирадә
2021-08-12
Share

Американиң хитай һөкүмити уйғурларға қаритиватқан мәҗбурий әмгәкни аяқлаштуруш үчүн көрситиватқан тиришчанлиқлириға қаримай, уйғур елидики биңтуән тәрипидин ишләпчиқирилған пахтиларни мәнбә қилған бир қисим мәһсулатларниң йәнила америка бзарлирида сетиливатқанлиқи мәлум.

Вашингтондики ақиллар амбири болған "илғар мудапийә тәтқиқат мәркизи" тәрипидин елан қилинған доклатта көрситилишичә, америкадики Target ,Walmart қатарлиқ чоң типтики парчә сетиш дуканлирида мушу хилдики пахта мәһсулатлири бар икән. Бу һәқтики доклатниң аптори ирина бухарин "мәнбә" жорнилиға мундақ дегән: "тәһлилимиз шуни испатлидики, шинҗаңдики уйғурларни хорлаш йәнила йәр шари сода вә пул-муамилә саһәсигә кәң көләмдә бағлинишлиқ болуп қалған. У мода санаитигиму кеңәйгән".

Бухаринниң изаһлишичә, адәттә бир мәһсулатниң бир қанчә вастичи тәминлигүчиләрдин өтүши у мәһсулатниң келиш мәнбәсини ениқлашқа тосалғу болуватқан болуп, бу американиң биңтуәндә ишләпчиқирилған пахта мәһсулатлириға қойған чәклимисиниң үнүмини чүшүрмәктикән.

Доклатта көрситилишичә, шямен хәлқара сода гуруһи ширкити өз тор бетидә биңтуәнниң пахта мәһсулатлирини сатидиғанлиқини очуқ-ашкара базарға салидиған болуп, униң мәһсулатлирини америкадики JCPenney ,Macy's ,Kohl вә Target қатарлиқ парчә сатқучи дуканларға мал тәминләйдиған MMI тоқумичилиқ ширкитигә аз дегәндә икки қетим мал салған икән.

MMI Тоқумичилиқ санаити шямендики сода гуруһи билән ахирқи қетим 2019-йили 1-айда содисини аяқлаштурғанлиқини илгири сүргән.

Тәтқиқатчи бухаринниң дийишичә, биңтуәнниң дуня билән болған алақисиниң мурәккәплики алақидар тәрәпләрниң тәминләш зәнҗириниң уйғур елидики зулум билән бағлиниши бар-йоқлиқини чүшинишини қейинлаштуруватқан болуп, бу уйғур елидин биваситә пахта сетивалмаслиқниң зулумни тохтитиш үчүн йетәрлик әмәсликини намайән қилип беридикән.

У буниң үчүн парчә сатқучиларниң яки америкадики тәминлигүчиләрниң мәһсулатниң келиш мәнбәсини тәкшүрүшни чоңқурлаштуруши, тәминлигүчиләрниң очуқ-ашкара болушини тәләп қилиши керәкликини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт