Биңтуән қәшқәр - шихәнзә - җеңҗулар ара йолучилар айропилан линийәси ачқан

Мухбиримиз җүмә
2016-02-13
Share


Хитай ахбаратиниң хәвәр қилишичә, уйғур елидә йәнә бир йеңи йолучилар айропилани линийәси йолға қоюлған. Мәзкур линийә қәшқәрдин - шихәнзигә, шихәнзәдин хитайниң җеңҗу шәһиригә учидикән.

Шинхуа агентлиқиниң җеңҗу айропортиниң бу һәқтики баянатидин нәқил елип хәвәр қилишичә, мәзкур линийидә 22 - февралдин етибарән рәсмий йолучи тошуш башлинидикән.

Шинхуа ахбаратида мундақ дейилгән: "шихәнзә айропорти шинҗаңға җайлашқан йерим иқтисадий, йерим һәрбий түзүмдики шинҗаң ишләп чиқириш қурулуш армийәси тунҗи қурған йолучилар айропорти."

Хәвәргә қариғанда, шихәнзә айропорти өткән йили декабирда ечилған болуп, мәзкур линийидә җәнубий һава йоллири ширкитиниң B737 типлиқ йолучилар айропилани һәптисигә төт қетим айланма қатнайдикән.

Қәшқәр җәнубий уйғур елидики уйғурлар әң мәркәзлик олтурақлашқан районларниң бири, шихәнзә шәһири болса биңтуән игидарчилиқи шәһәр болуп, асаслиқ нопуси хитайларни тәшкил қилиду.

Шихәнзә айропортиниң ечилип узун өтмәйла немә үчүн қәшқәргә биваситә қатнайдиған линийә ачқанлиқи мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт