Bingtu'en qeshqer - shixenze - jéngjular ara yoluchilar ayropilan liniyesi achqan

Muxbirimiz jüme
2016-02-13
Share


Xitay axbaratining xewer qilishiche, Uyghur élide yene bir yéngi yoluchilar ayropilani liniyesi yolgha qoyulghan. Mezkur liniye qeshqerdin - shixenzige, shixenzedin xitayning jéngju shehirige uchidiken.

Shinxu'a agéntliqining jéngju ayroportining bu heqtiki bayanatidin neqil élip xewer qilishiche, mezkur liniyide 22 - féwraldin étibaren resmiy yoluchi toshush bashlinidiken.

Shinxu'a axbaratida mundaq déyilgen: "Shixenze ayroporti shinjanggha jaylashqan yérim iqtisadiy, yérim herbiy tüzümdiki shinjang ishlep chiqirish qurulush armiyesi tunji qurghan yoluchilar ayroporti."

Xewerge qarighanda, shixenze ayroporti ötken yili dékabirda échilghan bolup, mezkur liniyide jenubiy hawa yolliri shirkitining B737 tipliq yoluchilar ayropilani heptisige töt qétim aylanma qatnaydiken.

Qeshqer jenubiy Uyghur élidiki Uyghurlar eng merkezlik olturaqlashqan rayonlarning biri, shixenze shehiri bolsa bingtu'en igidarchiliqi sheher bolup, asasliq nopusi xitaylarni teshkil qilidu.

Shixenze ayroportining échilip uzun ötmeyla néme üchün qeshqerge biwasite qatnaydighan liniye achqanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet