Bu yilning 1-pesilde 20 minggha yéqin kishi bingtu'ende ishqa orunlashqan

Washin'gtondin muxbirimiz eziz teyyarlidi
2024.05.14

Xitay hökümiti bashqurushidiki “Shinxu'a agéntliqi” ning 13-maydiki xewiride éytilishiche, bingtu'en adem küchi bayliqi we ijtima'iy kapalet idarisi aldinqi pesilde 19 ming 800 kishini xizmetke orunlashturghan bolup, bu hal aldinqi pesilge sélishturghanda 7.7 Pirsent ashqan. Shuningdek bu xildiki ishqa orunlashturushning muqim dawam qiliwatqanliqi körsitilgen.

Xewerde éytilishiche, bingtu'en sistémisi yéqinqi yillarda ishqa orunlashturushta köpligen étibar bérish siyasetlirini ijra qilip kéliwatqan bolup, “Ishqa orunlashturush yollirini kéngeytish” buningdiki muhim charilerning biri bolup kelgen. “Bingtu'en xewerliri” ning bu heqtiki xewiride éytilishiche, bingtu'enning herqaysi déwiziyeliridiki sheherlerge jaylashqan yüzge yéqin shirket 1-may künining özidila mingdin artuq kishi bilen xizmet toxtami tüzgen. Bolupmu aliy mektepni püttürgenlerning buningda asasiy orunni igiligenliki alahide eskertilgen.

Izchil türde “Dölet ichidiki dölet” dep atilip kéliwatqan bingtu'en sistémisi 1954-yilidin bashlap xitay köchmenlirini asas qilghan halda kéngiyip kéliwatqanliqi melum. Bingtu'enning “Aptonom rayon” qurulmisini kontrol qili we xitay hökümitining Uyghur diyaridiki mutleq hökümranliqigha kapaletlik qilish meqsitide tesis qilin'ghan siyasiy gewde ikenliki aléksa olésén (Alexa Olesen), bésaniy ibrahimyan (Ebrahimian Bethany) qatarliq mutexessislerning bayanlirida köp qétim tilghan élin'ghan idi. Bu hal “Uyghur kishilik hoquq qurulushi” 2020-yili awghustta élan qilghan “Bingtu'en heqqidiki besh sawat” namliq doklatta téximu tepsiliy sherhlinip, bingtu'en sistémisining mustemlikichilik hökümranliqni we Uyghur mejburiy emgikini ijra qilghuchi eng muhim küchlerdin ikenliki körsitip bérilgen idi.

Yéqinqi yillarda bolsa bingtu'en sistémisining Uyghur qirghinchiliqini ijra qilishtiki eng asasliq küch bolup kelgenliki ashkara bolup, amérika hökümiti bingtu'en sistémisigha qarita oxshimighan jaza tedbirlirini ijra qilghanidi.

Nöwette xitaydiki iqtisadiy chékinish we ishsizliq wehimisining éship bérishigha egiship minglighan xitay yashliri Uyghur diyaridiki bingtu'en sistémisi temin etken yuqiri ma'ashliq xizmet pursetlirini tallashqa bashlighanliqi melum. Bu hal öz nöwitide bingtu'enni téximu kéngeytishke xizmet qilidu, dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.