Amérika xitayning "Bir yol bir belbagh" yighinigha qatnashmaydighanliqini élan qildi

Muxbirimiz shöhret hoshur
2019-04-03
Élxet
Pikir
Share
Print

Amérika mushu ayning axiri béyjingda échilmaqchi bolghan "Bir yol bir belbagh" yighinigha qatnashmaydighanliqini élan qildi.


Xitay terep shenbe künidiki bayanatida bu yighin'gha 40 qa yéqin döletning wekilliri qatnishidighanliqini élan qilghan idi. Amérika tashqiy ishlar ministérliqining bayanatchisi robért palladino seyshenbe küni roytérs agéntliqining bu heqtiki so'aligha jawaben qilghan sözide xitay terepning "Bir yol bir belbagh" qurulushigha alaqidar pilan we ijra'atlirining chüshiniksizliki, xelq'arawiy ölchemlerge uyghun emesliki, bolupmu ortaq tereqqiyat pirinsiplirigha xilap ikenlikini eskertken. Andin "Biz bu yighin'gha yuqiri derijlik emeldar ewetmeymiz," dégen. Xitayni bu heqte izahat bérishke köp qétim chaqirghanliqini tilgha alghan robért palladino bu chaqiriqni buningdin kéyinmu tekrarlaydighanliqini bildürgen.

Melum bolushiche, bu yighin'gha dewet qilin'ghanlardin hazirgha qeder rusiye prézidénti wiladimir putin, pakistan bash ministiri imran xan, fillippin prézdénti rodrigo dutérto we kambodzha bash ministiri xunsén özlirining qatnishalaydighanliqini élan qilghan. Roytérs ag'éntliqi bügünki xewiride yene ehwaldin xewerdar kishilerning bayanlirigha asasen amérika terepning bu yighinni közitish üchünla töwen derijilik bir xadim ewetishni oylishiwatqanliqini eskertken.

"Wol-strét zhornili" gézitining bügünki bu heqtiki xewiride yézilishiche, xitayning "Bir yol bir belbagh" qurulushi xitayning eng qizghin qollighuchisi nolghan pakistanda aqsashqa duch kelgen. Pakistandiki iqtisadiy krizis sewebidin mezku qurulushning 62 milyard dollar qimmitidiki türlirining yérimi dégüdek qurulushtin toxtighan. Buninggha bu qurulushni élip bériwatqan xitay dölet shirketlirining pakistan tereptin qerrzni qayturush heqqide kapaletname telep qilishi seweb bolghan.


Toluq bet