Хитайниң бирмаға сайлам назарәтчилирини әвәтиши өз пуқралириниңму мәсхирисигә учриди

Мухбиримиз шөһрәт һошур
2016-02-04
Елхәт
Пикир
Share
Принт

Бирма, мушу һәптә ахири өткүзүлидиған парламент сайлимини назарәт қилиш үчүн бир қисим дөләт вә хәлқара тәшкилатларға тәклипнамә йоллиған.

Тәклипкә асасән хитайму бирмаға бир сайлам назарәт гурупписи әвәткән. Бу әһвал хитайниң «йәршари вақти» гезити, «гуаңҗу күндилик гезити»қатарлиқ бир қисим ахбарат устилирида елан қилинғандин кейин, тарихида бирәр қетим әркин сайлам өткүзүп бақмиған хитайниң бирмадики сайламға назарәтчи әвәтиши хәлқарада мәсхиригә учриди.

Нйойоркта чиқидиған IB Times йәни «хәлқаралиқ тиҗарәт вақти» гезитиниң бу һәқтики хәвиридә баян қилинишичә, бу ғәлитә иш бир қисим хитай пуқралириниңму ғәзипи вә мәсхирисигә учриған. Мәзкур гезитниң көзитишичә,бу һәқтә торларға инкас язған бәзи хитай пуқралири «бирмадики әркин сайлам биздә немә үчүн йоқ?» дәп соал қойса, бәзилири «бизниңкиләр назарәт үчүн әмәс, өгиниш үчүн бериш керәк» дәп тәнқид қилған; бәзиләр «дунядики әң күлкилик иш» дәп мәсхирә қилишқан.

Хәвәрләрдә баян қилинишичә йеқинда тәйвәндә өткүзүлгән сайламму, хитай пуқралирини ойға салған вә һәвисини қозғиған. Әмма хитай компартийиси хитайниң «алаһидә әһвалдики дөләт» икәнликини тәкитләп әркин сайламдин изчил өзини қачурмақта.

Пикирләр (0)
Share
Толуқ бәт