Xitayning birmagha saylam nazaretchilirini ewetishi öz puqraliriningmu mesxirisige uchridi

Muxbirimiz shöhret hoshur
2016-02-04
Élxet
Pikir
Share
Print

Birma, mushu hepte axiri ötküzülidighan parlamént saylimini nazaret qilish üchün bir qisim dölet we xelq'ara teshkilatlargha teklipname yollighan.

Teklipke asasen xitaymu birmagha bir saylam nazaret guruppisi ewetken. Bu ehwal xitayning "Yershari waqti" géziti, "Gu'angju kündilik géziti"qatarliq bir qisim axbarat ustilirida élan qilin'ghandin kéyin, tarixida birer qétim erkin saylam ötküzüp baqmighan xitayning birmadiki saylamgha nazaretchi ewetishi xelq'arada mesxirige uchridi.

Nyoyorkta chiqidighan IB Times yeni "Xelq'araliq tijaret waqti" gézitining bu heqtiki xewiride bayan qilinishiche, bu ghelite ish bir qisim xitay puqraliriningmu ghezipi we mesxirisige uchrighan. Mezkur gézitning közitishiche,bu heqte torlargha inkas yazghan bezi xitay puqraliri "Birmadiki erkin saylam bizde néme üchün yoq?" dep so'al qoysa, beziliri "Bizningkiler nazaret üchün emes, öginish üchün bérish kérek" dep tenqid qilghan؛ beziler "Dunyadiki eng külkilik ish" dep mesxire qilishqan.

Xewerlerde bayan qilinishiche yéqinda teywende ötküzülgen saylammu, xitay puqralirini oygha salghan we hewisini qozghighan. Emma xitay kompartiyisi xitayning "Alahide ehwaldiki dölet" ikenlikini tekitlep erkin saylamdin izchil özini qachurmaqta.

Toluq bet