Bétani éylin: "Perhat tursun shinjangdiki bixeter jaygha qamaldi"

Muxbirimiz jewlan
2021-05-18
Share

Axios Torida bügün "Bu romanchi hazir shinjangdiki bixeter jayda qamaqliq" namliq bir obzor élan qilin'ghan bolup, uningda yazghuchi perhat tursunning Uyghur edebiyatidiki alahide orni muhim diqqet nuqtisi süpitide tilgha élin'ghan.

Bu obzurdin maqale aptori bétani éylin xanimning xitayda muxbirliq qilghanliqi, perhat tursun bilen körüshkenliki we uning ijadiyet tarixini we yéziqchiliq uslubini xélila chongqur chüshinidighanliqi körünüp turidu.

U mundaq dep yazidu: "Perhat tursun shinjangdiki aldinqi qatardiki modérnsit yazghuchilardin bolup, kafka bilen jalalidin rumining tesirige uchrighan. U 16 yilliq késilip, xitay türmisige qamaldi. U yüzligen Uyghur ziyaliyliri qatarida kommunist xitay hökümitining Uyghur medeniyitini yoqitish herikitining qurbanigha aylandi".

Bu obzurda maqale aptori perhat tursunning öz waqtida Uyghur jem'iyitide xata chüshinish we yeklinishke uchrighanliqini tilgha élishtin chékinmigen, bu heqte mundaq dégen: "Perhat tursun 1999-yil ˃ölüwélish sen'iti˂ namliq romanini élan qilghandin kéyin kitabining köydürülüshige we ölüm tehditige uchrishigha seweb bolghan". Maqale aptorining perhat tursunni "U hazir bixeter jaygha qamaldi" dep kinaye qilishi belkim shu nuqtini körsetse kérek.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet