12-Noyabirdiki "Sherqiy türkistan jumhuriyet küni" de boston sheher merkizide bayraq chiqirish pa'aliyiti ötküzülidiken

Muxbirimiz irade
2019-11-07
Élxet
Pikir
Share
Print

Muhajirettiki Uyghurlar her yili iptixarliq ichide qutlaydighan bayramlardin bolghan "Jumhuriyet küni" ni, yeni 1933-yili we 1944-yili Uyghurlar ikki qétimliq milliy musteqilliq inqilabi jeryanida qurup chiqqan "Sherqiy türkistan jumhuriyiti" dunyagha kelgen 12-noyabir xatire künini oxshash bolmighan shekillerde qutlashqa hazirlanmaqta.

Shularning ichide alahide diqqet qozghaydighini shuki, amérikaning tarixiy sheherliridin biri bolghan boston sheher merkizide ötküzülidighan sherqiy türkistanning ay-yultuzluq kök bayriqini chiqirish pa'aliyitidur. 

Amérika Uyghur birleshmisining bu heqtiki uqturushigha qarighanda, mezkur pa'aliyet bostonda tinimsiz pa'aliyet qiliwatqan pexirlik Uyghur alimesi, masachusséts téxnologiye instituti (MIT) ghol hüjeyre tetqiqat merkizining diréktori maysem mutellipowa xanim we shundaqla munewwer abdulla qatarliq bostondiki Uyghurlarning küch chiqirishi bilen wujudqa chiqirilghan. 12-Noyabir küni chüsh sa'et 12 de ötküzülidighan pa'aliyette sheher merkizi meydanida sherqiy türkistanning ay-yultuzluq kök bayraq chiqirilghandin bashqa yene Uyghurlarning milliy sen'et nomurlirimu orundiliken. 

Maysem xanim pa'aliyet heqqide féyisbukta chiqarghan uqturushida zor simowlluq tüske ige bolghan mezkur pa'aliyetning boston shehiride ötküzülüshining tarixiy xaraktérliq ehmiyetke ige bolidighanliqini ilgiri sürgen. 

Boston amérikadiki tarixi sheherlerdin bolup, u amérikaning musteqilliq inqilabining bashlinish noqtisi shundaqla medeniyet we ma'arip merkizi. Nurghunlighan xelq'araliq chong uniwérsitétlarning makani bolghan boston shehiri xelq'aradiki aliy ma'arip merkizi, depmu atilidu.

Toluq bet