Қазақ бокс маһири қанат ислам флорида бокс бойичә чемпийон болди

Мухбиримиз үмидвар
2017-05-29
Share


Қазақистан мәтбуатлири уйғур дияриниң алтай вилайитидә туғулуп, көп йиллар уйғур дияридики бокс командисиниң әзаси болған қазақ бокс маһири қанат исламниң 27-май күни америкиниң флорида шитатиниң бока-рәйтон шәһиридә өткүзүлгән бир бокс мусабиқисидә риқабәтчисини йеңип, нәтиҗә қазанғанлиқини тушму-туштин хәвәр қилди.

""қазақистан" телевизийәси болса қанат исламниң мусабиқә әһвалини нәқ мәйдандин пүтүн қазақистанға тарқатти.

Флорида өткүзүлгән бу кәспи бокс мусабиқисидә 69 килограмлиқ қанат ислам мексикилиқ бокс маһири норберто гонсалесани йеңип, бу қетимлиқ мусабиқиниң чемпийонлуқини қолға кәлтүргән.

Қазақистан мәтбуатлириниң йезишичә, нөвәттә қанат ислам қазақистанлиқлар пәхирлинидиған бокс маһириға айланған болуп, у 2011-йилидин етибарән хитай пуқралиқидин ваз кечип, қазақистан пуқралиқиға өткән вә 2012-йилидин буян америкиниң флорида штатидики бир бокс кулубида даим туруп мәшқ қилмақта. Қанат ислам бу йәрдики бокс мусабиқилиридә өз нәтиҗилири арқилиқ қазақистан байриқиниң көтирилишини қолға кәлтүрмәктә.

33 яшлиқ қанат ислам 1984-йили, уйғур райониниң алтай вилайитидә қазақ зиялийси аилисидә туғулған болуп, униң акиси үрүмчидики уйғур аптоном районлуқ бокс командисиниң әзаси болған. Қанат ислам акисиниң тәсири астида бокс маһири болуп, йетишип 1997-йили үрүмчигә келип, бокс командисиға кирип, атақлиқ мәшқавул абликим абдурешитниң биваситә тәрбийәсидә мәшиқ қилип, тез көзгә көрүнгән вә 2005-йили һәм 2007-йили хитай бойичә чемпийон болған, 2008-йили бейҗиң олимпик мусабиқисигә қатнишип, мис медалға еришкән.

Қанат ислам 2010-йили, хитай дөләт командисиниң әзалиқидин ваз кечип қазақистанға йәрләшкән вә 2011-йили хитай пуқралиқидин ваз кечип, қазақистан граждани болған иди. Һазир у қазақистан бокс маһири һесаблиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт