Сәһийә тәшкилати: булғиниш йилиға 3 милйон адәмниң биәҗәл өлүп кетишигә сәвәбчи

Мухбиримиз җүмә
2016.05.14
Share on WhatsApp
Share on WhatsApp


Дуня сәһийә тәшкилати пәйшәнбә күни елан қилған доклатида, өткән бәш йилда чоң шәһәрләрдики һава булғиниш дәриҗисиниң 8 пирсәнт еғирлашқанлиқи, һавадики зәһәрлик зәрричиләрниң һәр йили 3 милйон адәмниң биәҗәл өлүп кетишигә сәвәбчи икәнликни билдүрди.

Уларниң көрситишичә, булғиниш намрат яки оттураһал киримидики дөләтләрдә дәриҗидин ташқири еғир икән.

Сәһийә тәшкилатиниң бу доклати дунядики 103 дөләткә җайлашқан 3 миң шәһәрниң һава сүпити һәққидики санлиқ мәлуматларға асасән тәйярланған. Бу һәқтики селиштурма хәвәрләргә қариғанда, дунядики әң булғанған 50 шәһәрниң 8 хитайға җайлашқан икән.

Доклатта көрситишичә, явропадики әң булғанған шәһәр боснийәниң тузла шәһири болуп, әмма униң һавасидики булғима зәһәрлик зәрричиләрниң сани хитай, һиндистан вә пакистандики булғанған шәһәрләргә селиштурғанда йәнила аз икән.

Дуня сәһийә тәшкилатиниң өлчими бойичә һавадики зәһәрлик ушшақ зәрричиләр MP 2.5 Қиммити бойичә һесаблиниду. Униңда һәр кубметир һавада дики MP 2.5 Булғима зәрричиләр 10 микрограмдин ешип кәтмәслики, яки униңдин товән болуши керәк, дәп бәлгиләнгән.

“йешил тинчлиқ тәшкилати” 20 - апирилдики доклатида хитайдики һава булғинишниң ғәрбий шәһәрләргә қарап көчүватқанлиқини, қәшқәр вә хотәнниң хитайдики әң булғанған шәһәрләр тизимликиниң төридин орун алғанлиқини көрсәткән.

Улар елан қилған санлиқ мәлуматта қәшқәрниң һәр кубметир һавасидики MP 2.5 Булғима зәрричиләр 276.1 Микрограм болуп, буниң алдинқи йилниң охшаш мәзгилдикидин 99 пирсәнт ашқанлиқини билдүргән иди.

Һалбуки, дуня сәһийә тәшкилатлириниң йеңи доклатида қәшқәр вә хотәнгә аит мәлуматлар көзгә челиқмайду.

Мәзкур доклатниң елан қилиниши мунасивити билән сөз қилған дуня сәһийә тәшкилати екологийәлик муһит вә аммиви сағламлиқ программисиниң директори дохтур мария нейра: “шәһәрләрдики һава булғиниш кишини чөчүтидиған сүрәттә еғирлашмақта. Бу инсанийәт сағламлиқиға изчил еғир бузғунчилиқларни елип кәлмәктә” деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.