Yopurgha nahiyesidiki 4-ewlad dangliq chélishchi méhman hemrah xitayning 2016-yilliq "Tenterbiye rohi" mukapatigha érishken

Muxbirimiz qutlan
2017-01-21
Élxet
Pikir
Share
Print

Igilinishiche, yopurgha nahiyesidiki 4-ewlad dangliq en'eniwiy chélishchi méhman hemrah xitayning 2016-yilliq "Tenterbiye rohi" mukapatigha érishken.

Xelq torining bu heqtiki xewirige qarighanda, ötken yilining axiriqi éyida netijisi élan qilin'ghan "Tenterbiye sahesidiki meshhur shexslerni mukapatlash" pa'aliyitide Uyghur chélishchi méhman hemrah xitaydiki "Tenterbiye rohi" mukapatining 2016-yilidiki yigane sahibi bolghan.

Xitay merkiziy téléwiziye istansisi bu heqte neq meydandin tepsiliy xewer tarqatqan.

Bu yil 59 yashqa kirgen méhman hemrah 1957-yili yopurgha nahiyesining siyek yézisi qumush'ériq kentide tughulghan bolup, hazirghiche 40 nechche yil en'eniwi chélishish tenherikiti bilen shughullan'ghan iken. Uning bowisi börek axun yurtning dangliq chilishchisi bolup, ulugh bowisimu öz dewride nurghun chélishchilarni yer chishletken dangliq chélishchi iken. Méhman hemrahning hazirghiche bu türde 200 dek shagirt terbiyeligenliki melum. Uning oghli we 14 yashliq newrisimu ata kespige warisliq qilip chélishchiliq boyiche terbiyelenmektiken.

Igilinishiche, Uyghur diyari özining en'eniwiy milliy tenterbiye sahesidiki özgiche alahidiliki we yoshurun küchi bilen xitay ichi hemde xelq'aradiki köpligen kishilerning diqqitini tartmaqtiken.

Toluq bet