Чен чүәнго «баш нишан» дин сөз ачқанда йәнә қаттиқ зәрбә беришни тәкитлиди

Мухбиримиз ирадә
2016-11-03
Елхәт
Пикир
Share
Принт

Уйғур аптоном районлуқ парткомниң баш секретари чен чүәнго вәзипигә олтурғандин буян «қаттиқ зәрбә бериш» тин ибарәт «баш нишанни әмәлгә ашуруш» тоғрисида тохтимай сөзләп көзәткүчиләрниң диққитини қозғиди.

Тәңритағ ториниң хәвиридин қариғанда, чен чүәнго хитай компартийисиниң шинҗаң уйғур аптоном районлуқ 9-нөвәтлик қурултийида қилған сөзидиму қурултайда бәлгиләнгән 9 ‏-нөвәтлик һәйәтниң әң муһим вәзиписиниң «уйғур райониниң муқимлиқини қоғдап, уни мәңгүлүк әминликни қоғдаштин ибарәт баш нишанға хизмәт қилдурушни әмәлгә ашуруш» икәнликини көрсәткән. У сөзидә: «һәр тәрәплимә тәдбир қоллинип, балдур тутуп, кичикидин тутуп, тез тутуп, яхши тутуп, бир қолда зораван-террорчилар, җинайәт шайкилири вә қанунсиз тәшкилатларға қанун бойичә қаттиқ зәрбә беришни тутуп, йәнә бир қолда әлрайини әң зор дәриҗидә майил қилип, иҗтимаий омумийәтниң инақ, муқим болушини сақлишимиз керәк...» Дегән.

Чәтәлләрдики уйғур паалийәтчиләр болса хитай һөкүмитиниң мәңгүлүк әминликтин сөз ачқанда һә десә қаттиқ зәрбә беришни тәкитлишини «зораванлиқ» дәп тәнқид қилмақта. Дуня уйғур қурултийи баянатчиси дилшат ришит әпәнди чен чүәнгони бу хил позитсийидин ваз кечип, уйғур елидики юқири бесимлиқ сиясәтни, миллий кәмситишни, җүмлидин уйғурларниң кишилик, дини вә миллий һоқуқлириға дәхли-тәрз қилишни аяғлаштурушқа чақирди.

Пикирләр (0)
Share
Толуқ бәт