Чен чүәнгониң қәшқәрдә хизмәт тәкшүрүши диққәт қозғиди

Мухбиримиз әзиз
2019-12-03
Елхәт
Пикир
Share
Принт

Бир қисим анализчилар «уйғур дияридики зор бастурушниң баш иҗрачиси» дәп тәрипләватқан уйғур аптоном районлуқ парткомниң секретари чен чүәнго 1-декабирдин 2-декабирғичә қәшқәр тәвәсидә аталмиш «хизмәт тәкшүрүши» дә болған.

«Тәңритағ» ториниң бу һәқтики хәвиридә ейтилишичә, чен чүәнго қәшқәр шәһири вә қарғилиқ, йәркән, мәкит, йеңисар қатарлиқ наһийәләрдә хитай компартийәси мәркизий комитетиниң сиясий тәшвиқатлирини йәнә бир қетим тәкитләш билән биргә «намратлиқни түгитиш» нишани үчүн қәтий күрәш қилишни оттуриға қойған.

Хәвәрдә бу тоғрисида йәниму тәпсилий тохтилип, чен чүәнгониң һәрқайси җайлардики «кәспий тәрбийәләш мәктәплири» вә завутларни зиярәт қилғанлиқи, бу җайларда ишләватқан ишчиларниң ишләпчиқириш паалийити арқилиқ иқтисадий кирим миқдарини ашуруш әһвалини сүрүштә қилғанлиқи ейтилиду. Әмма бир қисим анализчилар бу хилдики завутларда ишләватқанларниң төвән маашлиқ «мәҗбурий әмгәк» кә чиқирилған лагер тутқунлири икәнликини, хитай һөкүмитиниң мушу әһвалларни «намратлиқни түгитиш» дәп тәшвиқ қиливатқанлиқини тәкитләп кәлмәктә.

«Шинҗаң гезити» ниң бу һәқтики хәвиридә чен чүәнго қәшқәрдики башланғуч мәктәпләрни зиярәт қилған һәмдә оқуғучиларни «партийәни сөйүш, җуңхуани сөйүш» тәрбийәсини чоңқур өзләштүрүшкә чақирған.

Пикирләр (0)
Share
Толуқ бәт