Chén chüen'goning qeshqerde xizmet tekshürüshi diqqet qozghidi

Muxbirimiz eziz
2019-12-03
Élxet
Pikir
Share
Print

Bir qisim analizchilar "Uyghur diyaridiki zor basturushning bash ijrachisi" dep teriplewatqan Uyghur aptonom rayonluq partkomning sékrétari chén chüen'go 1-dékabirdin 2-dékabirghiche qeshqer teweside atalmish "Xizmet tekshürüshi" de bolghan.

"Tengritagh" torining bu heqtiki xewiride éytilishiche, chén chüen'go qeshqer shehiri we qarghiliq, yerken, mekit, yéngisar qatarliq nahiyelerde xitay kompartiyesi merkiziy komitétining siyasiy teshwiqatlirini yene bir qétim tekitlesh bilen birge "Namratliqni tügitish" nishani üchün qet'iy küresh qilishni otturigha qoyghan.

Xewerde bu toghrisida yenimu tepsiliy toxtilip, chén chüen'goning herqaysi jaylardiki "Kespiy terbiyelesh mektepliri" we zawutlarni ziyaret qilghanliqi, bu jaylarda ishlewatqan ishchilarning ishlepchiqirish pa'aliyiti arqiliq iqtisadiy kirim miqdarini ashurush ehwalini sürüshte qilghanliqi éytilidu. Emma bir qisim analizchilar bu xildiki zawutlarda ishlewatqanlarning töwen ma'ashliq "Mejburiy emgek" ke chiqirilghan lagér tutqunliri ikenlikini, xitay hökümitining mushu ehwallarni "Namratliqni tügitish" dep teshwiq qiliwatqanliqini tekitlep kelmekte.

"Shinjang géziti" ning bu heqtiki xewiride chén chüen'go qeshqerdiki bashlan'ghuch mekteplerni ziyaret qilghan hemde oqughuchilarni "Partiyeni söyüsh, jungxu'ani söyüsh" terbiyesini chongqur özleshtürüshke chaqirghan.

Toluq bet