Сабиқ секретар чен чүәнгониң хәлқ қурултийидики вәкиллик салаһийитигә хатимә берилгән, муавин рәис пең җярүй әмилидин қалдурулған

Мухбиримиз ирадә
2022-01-07
Share

Уйғур районлуқ парткомниң сабиқ секретари чен чүәнгониң “шинҗаң уйғур аптоном райониниң 13-нөвәтлик хәлқ қурултийи” дики вәкиллик салаһийитигә хатимә берилгән.

Хитайниң “шинҗаң гезити” қатарлиқ һөкүмәт таратқулири 7-январ күни “шинҗаң уйғур аптоном райони хәлқ қурултийи даимий комитетиниң уқтуруши” ни елан қилған болуп, мәзкур уқтурушта мундақ дейилгән: “. . . Вәкилләр қануниниң алақидар бәлгилимилиригә асасән, чен чүәнго, шү хәйроң, яв чиңхәй, ву чаңфу, җу пиңҗяң, ли пеңшин, җав чуңҗю, яң шин, ваң җүнҗең, сүн җүн вә җав җидәнниң аптоном районлуқ хәлқ қурултийи 13-нөвәтлик хәлқ қурултийиниң даимий һәйитиниң әзасилиқ орни мунасип һалда ахирлашти”.

Уқтурушта йәнә “шинҗаң уйғур аптоном районлуқ хәлқ қурултийи даимий комитети салаһийәт тәкшүрүш комитетиниң тәкшүрүш доклатиға асасән ма шиңрүй, хе җоңйов, җаң җу, йүсүпҗан мәмәт, елзат әхмәтҗан қатарлиқ 19 вәкилниң вәкиллик салаһийитини бекитилгәнлики җакарланған. Бу толуқланғанларниң мутләқ көпчилики хитайлардин ибарәт.

Юқиридикиләрдин башқа йәнә, уйғур аптоном райониниң муавин рәиси пең җарүй вәзиписидин еливетилгән.

Юқиридики бу уқтурушлар уйғур аптоном районлуқ парткомниң йеңи секретари ма шиңрүй йөткәп келингәндин кейин уйғур елидики һәр дәриҗилик орунларда җиддий тәңшәшләр елип бериливатқанлиқини көрситип беридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт