Чен чүәнгониң уйғур елидики дөләт карханилирини ислаһ қилишни муқимлиққа бағлап сөзлиши диққәт қозғиди

Мухбиримиз ирадә
2021-06-17
Share

Уйғур районлуқ партком йеқинда партком секретари чен чүәнгониң риясәтчиликидә дөләт мәблиғидики вә дөләт карханилириниң ислаһати вә тәрәққиятини күчәйтиш тоғрисида бир йиғин чақирған.

Хитайчә тәңритағ ториниң бу һәқтики хәвиридин қариғанда чен чүәнго йиғинда дөләт мәблиғидики вә дөләт карханилирини ислаһ қилиш вә һәрикәтләрни баш секретар ши җинпиңниң муһим сөзи вә партийә мәркизи комитетиниң қарар чиқириш роһиға қәтий бирләштүрүшни қаттиқ тәкитлигән.

У йәнә "бәшинчи омумий йиғин, үчинчи қетимлиқ мәркәзниң шинҗаң хизмәт сөһбәт йиғининиң роһи, партийәниң йеңи дәврдә шинҗаңни башқуруш истратегийәсини толуқ йолға қоюп, җәмийәтниң муқимлиқи вә омумий нишанини мустәһкәм сақлаш керәк, узун муддәтлик муқимлиқ, һәмдә районимиздики дөләт игиликидики вә дөләт карханилириниң ислаһати вә муқим тәрәққиятни илгири сүрүш керәк. Көрүнәрлик утуқлар билән партийә қурулғанлиқиниң 100 йиллиқини тәбрикләш лазим" дәп тәкитлигән.

Чен чүәнго "партийә қурулуши билән сода иқтисадниң чоңқур бир гәвдилишишини давамлиқ илгири сүрүп, күчлүк дөләт игиликидики кархана рәһбәрлик қошунини таллаш вә тәйинләш керәк" дегән.

Уйғур район даирилири һазир бар күчи билән хитай компартийәси қурулғанлиқини 100 йиллиқини аман-есән өткүзүвелишниң койида йүрүватқан бир пәйттә дөләт карханилириниң қийинчилиқлирини һәл қилишни, компартийә рәһбәрликини һәссиләп күчәйтишни

Вә ши җинпиңниң сөзидин чиқмаслиқни уйғур елиниң узун муддәтлик әминликигә бағлап тәкитлиши диққәт қозғиди.

Хәлқарада уйғур мәҗбурий әмгәк мәсилиси күчлүк диққәт қозғаватқан болуп, болупму америка һөкүмитиниң мәҗбурий әмгәк билән шуғуллиниватқан хитай ширкәтлири вә биңтүәнгә җаза тәдбирлирини елан қилиши билән уларниң бәлгилик дәриҗидә зиян тартқанлиқи бәзи хәлқаралиқ ахбаратлар тәрипидин ашкариланғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт