Chén chüen'goning Uyghur élidiki dölet karxanilirini islah qilishni muqimliqqa baghlap sözlishi diqqet qozghidi

Muxbirimiz irade
2021-06-17
Share

Uyghur rayonluq partkom yéqinda partkom sékrétari chén chüen'goning riyasetchilikide dölet meblighidiki we dölet karxanilirining islahati we tereqqiyatini kücheytish toghrisida bir yighin chaqirghan.

Xitayche tengritagh torining bu heqtiki xewiridin qarighanda chén chüen'go yighinda dölet meblighidiki we dölet karxanilirini islah qilish we heriketlerni bash sékrétar shi jinpingning muhim sözi we partiye merkizi komitétining qarar chiqirish rohigha qet'iy birleshtürüshni qattiq tekitligen.

U yene “Beshinchi omumiy yighin, üchinchi qétimliq merkezning shinjang xizmet söhbet yighinining rohi, partiyening yéngi dewrde shinjangni bashqurush istratégiyesini toluq yolgha qoyup, jem'iyetning muqimliqi we omumiy nishanini mustehkem saqlash kérek, uzun muddetlik muqimliq, hemde rayonimizdiki dölet igilikidiki we dölet karxanilirining islahati we muqim tereqqiyatni ilgiri sürüsh kérek. Körünerlik utuqlar bilen partiye qurulghanliqining 100 yilliqini tebriklesh lazim” dep tekitligen.

Chén chüen'go “Partiye qurulushi bilen soda iqtisadning chongqur bir gewdilishishini dawamliq ilgiri sürüp, küchlük dölet igilikidiki karxana rehberlik qoshunini tallash we teyinlesh kérek” dégen.

Uyghur rayon da'iriliri hazir bar küchi bilen xitay kompartiyesi qurulghanliqini 100 yilliqini aman-ésen ötküzüwélishning koyida yürüwatqan bir peytte dölet karxanilirining qiyinchiliqlirini hel qilishni, kompartiye rehberlikini hessilep kücheytishni

We shi jinpingning sözidin chiqmasliqni Uyghur élining uzun muddetlik eminlikige baghlap tekitlishi diqqet qozghidi.

Xelq'arada Uyghur mejburiy emgek mesilisi küchlük diqqet qozghawatqan bolup, bolupmu amérika hökümitining mejburiy emgek bilen shughulliniwatqan xitay shirketliri we bingtüen'ge jaza tedbirlirini élan qilishi bilen ularning belgilik derijide ziyan tartqanliqi bezi xelq'araliq axbaratlar teripidin ashkarilan'ghanidi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet