Чен чуәнгониң сиясий бюроға өрләш тиришчанлиқлири мәлум болмақта

Мухбиримиз әзиз
2016-10-31
Share

Уйғурлар дияриға йеңидин партийә секретари болуп йөткилип кәлгән чен чуәнгониң уйғурлар диярида изчил мәвҗут болуп келиватқан сиясий вә иҗтимаий мәсилиләрни һәл қилишқа баш қатурушниң орниға хитай компартийиси сиясий бюросиға әза болушқа бәкрәк тиришиватқанлиқи бир қисим кишиләрниң диққитини қозғимақта.

"җәнубий хитай сәһәр гезити" вә "хитай хәвәрлири вақти" қатарлиқ гезитләрниң 31-өктәбирдики мақалилиридә чен чуәнгониң хитай баш министири ли кечяң билән болған узун йиллиқ хизмәтдашлиқ вә қоюқ достлуқ мунасивитигә шундақла униң тибәт аптоном райони парткоминиң секретари болған мәзгилләрдә тибәтләрниң қаршилиқ һәрикәтлирини шәпқәтсизләрчә бастуруш арқилиқ хитайниң алий рәһбири ши җинпиңниң ишәнчигә еришкәнлики қатарлиқларға тәпсилий йәр берилгән.

Бу һәқтә пикир қилған хитай зиялийси бав җйү "чен чуәнгониң хизмәт тәҗрибиси вә алий рәһбәрлик билән йеқин мунасивити униң келәр йили ечилидиған 19-қурултайда сиясий бюроға әза болушиға йол ечиши мумкин" дегән.

Хәвәрләрдә ейтилишичә, бу йил 60 яшқа киргән чен чуәнго уйғурлар дияриға йетип берипла, дәсләпки қәдәмдә уйғурларниң диний етиқадини чәкләш тәдбирлирини йолға қойған болуп, навада у сиясий бюроға талланса, уйғурлар дияридики идарә қилиш тәдбирлиридә йәнә бир қетимлиқ "қаттиқ қоллуқ" ниң оттуриға чиқиши еһтималға толиму йеқин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт