Chén chu'en'goning siyasiy byurogha örlesh tirishchanliqliri melum bolmaqta

Muxbirimiz eziz
2016-10-31
Share

Uyghurlar diyarigha yéngidin partiye sékrétari bolup yötkilip kelgen chén chu'en'goning Uyghurlar diyarida izchil mewjut bolup kéliwatqan siyasiy we ijtima'iy mesililerni hel qilishqa bash qaturushning ornigha xitay kompartiyisi siyasiy byurosigha eza bolushqa bekrek tirishiwatqanliqi bir qisim kishilerning diqqitini qozghimaqta.

"Jenubiy xitay seher géziti" we "Xitay xewerliri waqti" qatarliq gézitlerning 31-öktebirdiki maqaliliride chén chu'en'goning xitay bash ministiri li kéchyang bilen bolghan uzun yilliq xizmetdashliq we qoyuq dostluq munasiwitige shundaqla uning tibet aptonom rayoni partkomining sékrétari bolghan mezgillerde tibetlerning qarshiliq heriketlirini shepqetsizlerche basturush arqiliq xitayning aliy rehbiri shi jinpingning ishenchige érishkenliki qatarliqlargha tepsiliy yer bérilgen.

Bu heqte pikir qilghan xitay ziyaliysi baw jyü "Chén chu'en'goning xizmet tejribisi we aliy rehberlik bilen yéqin munasiwiti uning kéler yili échilidighan 19-qurultayda siyasiy byurogha eza bolushigha yol échishi mumkin" dégen.

Xewerlerde éytilishiche, bu yil 60 yashqa kirgen chén chu'en'go Uyghurlar diyarigha yétip béripla, deslepki qedemde Uyghurlarning diniy étiqadini cheklesh tedbirlirini yolgha qoyghan bolup, nawada u siyasiy byurogha tallansa, Uyghurlar diyaridiki idare qilish tedbirliride yene bir qétimliq "Qattiq qolluq" ning otturigha chiqishi éhtimalgha tolimu yéqin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet