Чен чүәнго: “шинҗаң милләтләр хизмитиниң нишани җуңхуа миллити ортақ еңини шәкилләндүрүш” дегән

Мухбиримиз әркин
2021.11.08
Share on WhatsApp
Share on WhatsApp

Уйғур аптоном районлуқ парткомниң секретари чен чүәнго 6-ноябир өткүзүлгән аптоном районлуқ парткомниң милләтләр хизмити йиғинида, хитайниң уйғур елидики милләтләр хизмитиниң нөвәттики нишани тоғрисида йолйоруқ бәргән. Униң ейтишичә, “шинҗаң милләтләр хизмитиниң нишани җуңхуа миллити ортақ еңини шәкилләндүрүш” икән. Көзәткүчиләрниң ейтишичә, чен чүәнгониң сөзи хитайниң 2017-йили башланған чоң тутқуни билән бир вақитта, униң милләтләр сияситидики мәҗбурий ассимилятсийәни нишан қилған чоң өзгиришни ипадиләйдикән.

Чен чүәнго ши җинпиңниң мәркәзниң милләтләр хизмити йиғинида партийәниң милләтләр хизмити дуч кәлгән “йеңи вәзийәтни чоңқур анализ қилип”, милләтләр хизмитини күчәйтиш вә ‍өзгәртишниң “муһим идийәсини шәрһлигәнликини”, милләтләр хизмитидә “қандақ байрақ көтүрүш”, “қандақ йолда меңиш қатарлиқ зор мәсилиләргә җаваб бәргәнлики” ни билдүргән. Чен чүәнго бу сөзләрни кишилик һоқуқ тәшкилатлири вә бәзи чәтәллик мутәхәссисләр ши җинпиңни уйғур “ирқий қирғинчилиқи” ниң баш җавабкари, чен чүәнго болса униң баш иҗрачиси, дәп әйибләватқан бир вақитта қилған.

Хитайниң милләтләр сияситидики тарихи бурулуши нуқтиси 2014-йили башланған. Бу йил 8-өткүзүлгән милләтләр хизмәт йиғинида, униң уйғурларға қаритилған қирғинчилиқ сиясити муәййәнләштүрүлгәниди. “шинҗаң гезити” ниң хәвәр қилишичә, йиғинда чен чүәнго ши җинпиңни “йеңи дәврдики партийә милләтләр хизмитиниң юқири сүпәтлик тәрәққиятини илгири сүрүштики йетәкчи идийә, истратегийәлик нишан, муһим вәзипә, сиясәт вә тәдбирләрни айдиңлаштуруп, җуңхуа миллити ортақ еңини шәкилләндүрүшниң асаслиқ линийәсини оттуриға қойди” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт