Чен чүәнго турпанда бир мәсчитни зиярәт қилип," исламни хитайлаштуруш "ни күчәйтишни тәкитлигән

2020-12-04
Share

Хәлқарада уйғур" ирқий қирғинчилиқи "ниң җавабкари, дәп әйиблинип келиватқан уйғур аптоном районлуқ партком секретари чен чүәгә турпанда бир мәсчитни зиярәт қилип," шинҗаңда исламни хитайластуруш йөнилишидә чиң туруш "ни тәкитлигән." шинҗаң гезити "ниң хәвәр қилишичә, чен чүәнго 3-декабир күни турпанни зиярәт қилған. У зияритидә яр базиридики бир мәсчитни көздин кәчүрүп, исламни хитайлаштуруш йөнилишидә чиң турушни," диний затларниң вәтәнпәрвәрлик роһини намайиш қилиши "ни тәләп қилған.

Чен чүәнго хитайниң 2017-йилдин бери уйғур елидә 16 миңдәк мәсчитни бузған яки чеқивәткәнлики мәлум болуп, хәлқарада ғулғула қозғиған бир мәзгилдә яр базиридики йеза мәсчитини зиярәт қилған. Австралийә истратегийәлик сиясәт институти бу йил-9 айда елан қилған доклатида сүний һәмраһ сүрәтлирини анализ қилип, 16 миңдәк мәсчитниң ичидә 8 миңдәк мәсчитниң йеқинқи 3-4 йил ичидә чеқиветилгәнликини илгири сүргән.

" шинҗаң гезити "ниң билдүрүшичә, чен чүәго бу сәпиридә йәнә турпан музейини зиярәт қилған. У турпан музейида тарих вә мәдәний ядикарлиқлардин пайдилинип," һәр милләт хәлқиниң җуңхуа миллити тонушини турғузуш, 5 ни етирап қилишни давамлиқ күчәйтиш "ни тәкитлигән. Бирақ көзәткүчиләрниң тәкитлишичә, хитайниң" җуңхуа миллити "тонуши вә" 5 ни етирап қилиш "тәшәббуси уйғур мәдәнийити вә уйғур тарихини инкар қилиш үстигә қурулған болуп, бу уйғур" мәдәнийәт қирғинчилиқи "ға йол ачқаникән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт