Chén chüen'go nöwettiki weziyetning dawamlishidighanliqidin bésharet berdi

Uyghur diyaridiki birinchi nomurluq emeldar bolghan chén chu'en'go 18-iyun küni turpan wilayitide atalmish “Xizmet tekshürüshi” de bolghanda “Shi jinpingning yéngi dewrdiki xitayche alahidilikke ige sotsiyalizm idiyisini chongqur öginish hemde ‛ejdadlarning arzusini untumasliq‚ témisidiki terbiye xizmitini omumlashturush” heqqide körsetme bergen.

U “Tekshürüsh” jeryanida atalmish “Xelqqe qulayliq saqchi ponkitliri” ni közdin kechürgen hemde bu jaylarning ijtima'iy muqimliqni qoghdashtiki muhim roligha yuqiri baha bergen. Arqidinla u diniy zatlarni qobul qilip ulargha “Dinni xitaychilashturush” ning muhimliqi heqqide körsetme bergen.

Chén chu'en'go herqaysi yézilarni közdin kechürüsh jeryanida izchil halda “Partiye merkiziy komitétining shinjangni idare qilish istratégiyisini estayidil öginish we izchillashturush”, “Shi jinpingning shinjang xizmiti heqqidiki muhim yolyoruqlirining rohini emelge ashurush” heqqide söz qilghan. Shuning bilen birge bu xizmetlerni “Muqimliq xizmiti bilen barawer qanat yaydurush” ni tekitligen.

Analizchilar bu ehwallarni omumlashturup “Bu hal xitay hökümitining Uyghur diyaridiki siyasiy basturush herikiti téximu keng kölemde dawam qilidighanliqining béshariti,” dédi.