Cherchen nahiyeside basturush obyékti soda-sana'etchilerge qaritildi

Cherchen nahiyesi 11‏-mart küni uqturush chiqirip, puqralarni mezkur nahiyening soda-sana'et sépidiki “Qara guruhlar” we “Rezil küchler” ni pash qilishqa chaqirghan.

Uqturushta, puqralarning bu heriketke aktip qatniship, etrapidiki “Qara guruhlar” we “Rezil küchler” ni keskin pash qilishqa chaqiridighanliqi tekitlen'gen.

Bayin'gholin oblasti bu yilning axirliridin bashlap “Qara guruhlar we rezil küchlerge” ge zerbe bérish herikiti qozghighan. Bu heriketning asasliq nishani, partiye, hökümet, idare-jem'iyet, kespiy orunlar we ijtima'iy rayonlardiki “Ikki yüzlimichi” kadir, diniy étiqadi we milliy xasliqi küchlük kespiy xadimlar we ahalilerge qaritilghan bolup, puqralarning yuqiriqi sahelerge yoshurunuwalghan “Ikki yüzlimichiler”, “Diniy esebiy küchler”, “Bölgünchiler” we ularning arqa-tireklirini pash qilishqa chaqirilghan idi. Bu herikette cherchen nuqtiliq nahiyege aylan'ghan.

Mezkur nahiye arqa-arqidin uqturush élan qilip, bu heriketni her qaysi sahelerde keng qanat yaydurushqa bashlighan. Mezkur nahiyening 11‏-mart élan qilghan uqturushida, heriketning nishani soda sana'et sahesige qaritilghan idi. Uqturushta, soda-sana'et sépidiki “Qara guruhlar” we “Rezil küchler” ning 14 xil ipadisi élan qilin'ghan.

Bu: “Bazar, soda saray, soda merkizi qatarliq sorunlarni igiliwélip, zorawanliq we mushtumzorluq qilghan qara, rezil küchler, diniy küchler, xurapiy küchler, fé'odal qalduq küchler” ni, shuningdek “Rezil wasitiler, diniy wasitiler, xurapatliq wasitilirini ishqa sélip, bashqilarni shaxlitip sétishqa yaki meniwi shaxlitip sétishqa teshkilligüchi, pilanlighuchi yaki gholluq unsurlar” ni öz ichige alghan.

Bu herikette cherchenning nuqtiliq nahiyege aylinishida ötken yili nahiyelik j x idarisining bashliqi ghalip tursunning “Ikki yüzlimichilik” bilen eyiblinip tutqun qilinishining rol bar-yoqluqi melum emes. Ghalip tursunning hazir amérikida yashawatqan sabiq lagér mehbusi, cherchenlik shahit méhrigül tursun 2018‏-yili 4‏-ayda qoyup bérilip uzun ötmeyla tutqun qilin'ghanliqi melum.