Хитай компартийәсниң 2 милйондәк әзаси чәтәл муәссәсилиригә йәрләштүрүлгән

Мухбиримиз әркин
2020-12-14
Share

Хитай компартийәсиниң 2 милйондәк әзасини ғәрб дөләтлириниң дипломатик органлириға, университет, тәтқиқат орни, HSBC, Boéng, Rols Roys, Fizér Astira Zénika,, Jaguar, волкесвагендәк чоң банка, хәлқара ширкәтләргә орунлаштурғанлиқи илгири сүрүлди. “австралийә” гезити, австралийә “асман хәвәрлири” ((Sky newsтелевизийәси, әнглийә “йәкшәнбилик почтиси” қатарлиқ таратқуларниң 13-декабир хәвәр қилишичә, хитай компартийәси америка, әнглийә, германийә, шиветсийә, австралийә қатарлиқ дөләтләрниң шаңхәйдики консулханилириға сиңип киргән, шуниңдәк дуняниң һәр қайси җайлиридики чоң хәлқара ширкәтләрдә өзиниң партийә ячейкилирини қурған.

Тизимликтики компартийә әзалириниң көп қисми шаңхәйлик болуп, бир милйон 950 миң партийә әзасиниң әһвали йеқинда ашкариланған бир санлиқ учур амбиридин мәлум болған. Униңда бу кишиләрниң исми, хизмәт орни, туғулған вақти, миллити, адреси, телефон номури тәпсилий көрситилгән. Австралийә “асман хәвәрлири” ниң көрситишичә, “бундақ тизимликниң дуняда тунҗи қетим ашкарилиниши” болуп, “бу ши җинпиң башчилиқидики компартийәсиниң қандақ һәрикәт қилидиғанлиқини ашкарилап бәргән”.

Хәвәрдә, тизимликтики хитай компартийә әзалириниң 79 миң партийә ячейкисиға тәвә икәнлики, юқириқи ширкәт яки органларниң ичидә нурғун партийә ячейкилириниң қурулғанлиқини билдүргән. Хәвәрдә тәкитлинишичә, бу тизимлик ғәрб сиясийонлирида вә бихәтәрлик саһәсидә җиддий әндишә қозғиған болуп, 30 дәк әнглийә парламент әзаси бу мәсилә тоғрисида тәклип лайиһәси тәйярлиған. Мәлум болушичә, бу санлиқ учурни бу йил 9-айда бир хитай өктичиси “хитайға қарши хәлқара парламентлар иттипақи” ға бәргәникән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт