Xitay kompartiyesning 2 milyondek ezasi chet'el mu'essesilirige yerleshtürülgen

Muxbirimiz erkin
2020-12-14
Share

Xitay kompartiyesining 2 milyondek ezasini gherb döletlirining diplomatik organlirigha, uniwérsitét, tetqiqat orni, HSBC, Boéng, Rols Roys, Fizér Astira Zénika,, Jaguar, wolkéswagéndek chong banka, xelq'ara shirketlerge orunlashturghanliqi ilgiri sürüldi. “Awstraliye” géziti, awstraliye “Asman xewerliri” ((Sky newstéléwiziyesi, en'gliye “Yekshenbilik pochtisi” qatarliq taratqularning 13-dékabir xewer qilishiche, xitay kompartiyesi amérika, en'gliye, gérmaniye, shiwétsiye, awstraliye qatarliq döletlerning shangxeydiki konsulxanilirigha singip kirgen, shuningdek dunyaning her qaysi jayliridiki chong xelq'ara shirketlerde özining partiye yachéykilirini qurghan.

Tizimliktiki kompartiye ezalirining köp qismi shangxeylik bolup, bir milyon 950 ming partiye ezasining ehwali yéqinda ashkarilan'ghan bir sanliq uchur ambiridin melum bolghan. Uningda bu kishilerning ismi, xizmet orni, tughulghan waqti, milliti, adrési, téléfon nomuri tepsiliy körsitilgen. Awstraliye “Asman xewerliri” ning körsitishiche, “Bundaq tizimlikning dunyada tunji qétim ashkarilinishi” bolup, “Bu shi jinping bashchiliqidiki kompartiyesining qandaq heriket qilidighanliqini ashkarilap bergen”.

Xewerde, tizimliktiki xitay kompartiye ezalirining 79 ming partiye yachéykisigha tewe ikenliki, yuqiriqi shirket yaki organlarning ichide nurghun partiye yachéykilirining qurulghanliqini bildürgen. Xewerde tekitlinishiche, bu tizimlik gherb siyasiyonlirida we bixeterlik saheside jiddiy endishe qozghighan bolup, 30 dek en'gliye parlamént ezasi bu mesile toghrisida teklip layihesi teyyarlighan. Melum bolushiche, bu sanliq uchurni bu yil 9-ayda bir xitay öktichisi “Xitaygha qarshi xelq'ara parlaméntlar ittipaqi” gha bergeniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet