Chéxiye jumhuriyiti parlaménti xitayning Uyghurlargha "Irqiy qirghinchiliq" qiliwatqanliqini élan qildi

Muxbirimiz erkin
2021-06-14
Share

Chéxiye jumhuriyiti parlaméntining kéngesh palatasi qarar maqullap, xitayning Uyghurlargha qarita "Irqiy qirghinchiliq" we "Insaniyetke qarshi jinayet" sadir qiliwatqanliqini élan qilghan. Buning bilen chéxiye xitayning Uyghurlargha tutqan mu'amilisini "Irqiy qirghinchiliq" dep tonighan 6-gherb parlaménti yaki dölet apparatlirining biri boldi. Melum bolushiche, ‍ötken peyshenbe küni awazgha qoyulghan qarar layihesi nölge qarshi 38 awaz bilen maqullan'ghan.

Qarar layiheside "Xitay xelq jumhuriyitide bolupmu tibet we shinjang aptonom rayonlirida kishilik hoquq we erkinlikke keng kölemlik xilapliq qilish, irqiy qirghinchiliq, insaniyetke qarshi jinayet we étnik kemsitish yüz bermekte shundaqla medeniyet, diniy we siyasiy kimlik basturulmaqta" déyilgen.

Qarar layiheside yene chéxiye hökümiti 2022-yildiki béyjing qishliq olimpik musabiqisige diplomatik bayqut ‍élan qilishqa chaqirilip, "Chéxiye jumhuriyiti hökümiti we bashqa siyasiy wekillirining xitay xelq jumhuriyitidiki olimpik musabiqilirige qatnishish tekliplirini ret qilishi" telep qilin'ghan.

Qarar layiheside körsitilishiche, ‍ularning bu musabiqige qatnishishi xitayning négizlik kishilik hoquqni téximu kemsitish, uninggha xilapliq qilish we basturushni qanunlashturushi üchün suyi'istémal qilishigha yol achidiken. Chéxiye kéngesh palatasining qarari buninggha oxshash bir qarar layihesi bélgiye parlaméntida ‍awazgha qoyulushning aldida maqullan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet