Chégrasiz muxbirlar teshkilati xitayda tutqun qilin'ghan muxbirlarning eng köplükini bildürdi
2015.12.15
Merkizi amérikining nyu-york shehirige jaylashqan chégrasiz muxbirlar teshkilati 15- dékabir élan qilghan 2015- yilliq doklatida, “ Bu yil xitayda tutqun qilin'ghan muxbirlarning sani dunya boyiche 1-orunda turidighan” liqini bildürdi hemde xitay hökümitidin türmidiki muxbirlarni qoyup bérishni, metbu'at xitay we puqralirining pikir erkinlikige yol qoyushni telep qildi.
En'gliye b b s agéntliqining doklattin neqil élip xewer qilishiche, bu yil 1- yanwardin, 1- dékabirghiche pütkül dunya boyiche 199 neper muxbir türmige qamalghan. Buning ichide peqet xitay türmisidiki muxbirlarning sani49 neperge yétip, xitay bu yil türmige qamalghan muxbirlar sani eng köp döletke aylan'ghan.
Bularning ichide misir 2-orunda turidighan bolup, misirda 23 muxbir tutqun qilin'ghan. 3-Orunda turghan iranning türmisidiki muxbirlar sani 19 neperge yetken.
Chégrasiz muxbirlar teshkilatining doklatida yene, bu yil tutqun qilin'ghan muxbirlar ichide 153 nepirining herqaysi dölet hökümetliri teripidin tutqun qilin'ghanlar ikenliki, iraq we süriyediki urush rayonida görüge éliwélin'ghan muxbirlarning 54 neper ikenliki eskertilgen.