Mongghuliye chinggizxanning tughulghan künini milliy iptixar bayrimi qilip békitti

Muxbirimiz ümidwar
2016-10-09
Share

Ottura asiya xewerler torining yézishiche, mongghuliye parlaménti bu yil 31 - öktebir künini, yeni chinggizxanning tughulghan künini milliy iptixar küni süpitide bayram qilip,pütün memliket boyiche bir kün dem élish qoyup bérishni qarar qilghan.

Mezkur bayram, yeni milliy iptixar bayrimi küni 2012 - yili, chinggizxan tughulghanliqining 850 yilliqini xatirilesh murasimida békitilgen bolup, chinggizxanning tughulghan künini mongghullarning ay kaléndari boyiche, qish éyining birinchi küni ötküzüsh belgilen'gen. Ötken yili, bu kün 12 - noyabirgha toghra kelgen idi.

Chinggizxanning tughulghan künige béghishlan'ghan milliy iptixar bayrimi künide mongghuliye paytexti ulan batordiki chinggizxan meydanigha tiklen'gen chinggizxan heykili aldida türlük tarixi en'eniwi pa'aliyetler we dölet murasimi ötküzülidighan bolup, bu küni yene dölet üchün hesse qoshqan shexslerge chinggizxan ordéni teqdim qilinidiken.

Chinggizxan 1206 - yili mongghul dölitini resmiy qurghan bolup, kéyin bu dölet téximu qudret tépip mongghul impériyisige aylan'ghan idi. Hazirqi mongghuliye jumhuriyiti sowét ittipaqi yimirilgendin kéyin, chinggizxanni mongghul dölitining qurghuchisi we özlirining milliy iptixari qilip békitishke muweppeq bolalidi. Emma, sowét dewride rusiye tarixchiliri chinggizxanni qirghinchiliq qilghuchi we ishghalchi süpitide békitkenliki üchün mongghuliye hökümitimu shundaq pozitsiye tutqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet