Amérika istixbarat doklati xitayning amérika üchün eng chong tehdit ikenlikini bildürgen

Muxbirimiz erkin
2021.04.14
Share on WhatsApp
Share on WhatsApp

Amérika döletlik istixbarat dériktorliqi 14-april amérika dölet mejlisige yilliq istixbarat doklati yollap, xitayning amérika üchün tehdit ikenlikini bildürgen. “Nyu-york waqti géziti” ning ashkarlishiche, doklatta xitayning künséri küchiyiwatqan tesirini kéngeytish urunushi amérka üchün eng chong tehditlerning biri ikenliki körsitilip, xitay bilen rusiye peyda qiliwatqan dölet bixeterlik tehditi toghrisida agahlandurghan.

Doklatta xitayning “Yer shariwiy küch” bolush urunushi tehditler tizimlikidiki 1-orunni igiligen bolup, rusiye, iran, shimaliy koriye 2-orunni tutqan. “Nyu-york waqti géziti” ning éytishiche, doklatta amérikaning rusiye yaki xitay bilen herbiy toqunush yüz bérishi aldin perez qilinmighan bolsimu, biraq istixbarat urushliri, tor hujumliri we yer shari xaraktérlik tesir da'ire talishish riqabetlirining keskinlishidighanliqi tekitligen.

Doklatta “Xitay her qaysi sahelerde, bolupmu iqtisadiy, herbiy, téxnologiye saheliride amérikagha xiris qiliwatqan we xelq'ara qa'idilerni özgertishke urunuwatqan bir riqabetchige aylanmaqta” déyilgen. Doklatta éytilishiche, xitay amérikaning ittipaqdashliri bilen bolghan munasiwitige kashila qilish istiratégiyesi qollanmaqtiken. Shundaqla yuqumqa qarshi turushtiki muweppeqiyitidin paydilinip, öz “Sistémisining ewzelliki” ni bazargha salmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.