Колумбийә университети «тибәт вә уйғур дияридики миллий тоқунушлар һәм қаршилиқлар» намлиқ йеңи китабни нәшир қилған

Мухбиримиз қутлан
2016-12-03
Елхәт
Пикир
Share
Принт

Йеқинда колумбийә университети нәшрияти «тибәт вә уйғур дияридики миллий тоқунушлар һәм қаршилиқлар» намлиқ йеңи китабни нәшир қилған.

Бу хитайниң әң сәзгүр нуқтиси болған тибәт билән уйғур ели мәсилиси бойичә хәлқара илим саһәсидә йоруқ көргән әң йеңи китабларниң бири икән.

Мәзкур китаб австралийә дөләт университетиниң асия-тинч окян мәсилилири мутәхәссиси бен һилман билән комумбийә университетиниң тибәтшунаслиқ профессори грей туттелниң һәмкарлиқида йезилған икән.

Мәзкур китабта хитайниң ғәрбий қисмидики тибәт аптоном райони билән уйғур аптоном райониниң 1950-йиллардин буянқи сиясий вә иҗтимаий тарихи йорутилған болуп, униңда нуқтилиқ һалда бу икки райондики миллий тоқунушлар билән қаршилиқларниң тохтимаслиқидики сәвәбләр, арқа көрүнүшләр һәмдә хитайниң бу тинҗимас земинға қаратқан идарә қилиш истератегийәси анализ қилинған.

Көзәткүчиләр билән илим саһәсидикиләр, йеқинқи йиллардин буян хәлқара илим саһәсиниң уйғур елиға болған қизиқишиниң җиддий рәвиштә күчийиватқанлиқини, һәтта бәзи саһәләрдә тибәткә қариғанда хитайдики техиму сәзгүр нуқта болуп қалғанлиқини тәкитлимәктә.

Пикирләр (0)
Share
Толуқ бәт