«Дахуа» ширкитиниң чирай тонуш системисиға уйғурлар киргүзүлгән

Мухбиримиз әзиз
2020-11-03
Share

Йеқинда хитай һөкүмитиниң игидарчилиқидики «дахуа технологийә ширкити» ясап чиққан көзитиш камерасиниң бир муһим иқтидари чирай тонуш җәрянида уйғурлар вә хитайларни бир-биридин пәрқләндүрүш икәнлики мәлум болди.

Мәзкур көзитиш камерасиниң мәһсулат чүшәндүрүлүшидә ейтилишичә, бу көзитиш апаратлириға чүшкән кишиниң барлиқ җисманий алаһидиликлири тоғра көрситилиш билән биргә, сақал-бурут, типик болған йүз қурулмиси алаһидилики қатарлиқларға бинаән шу кишиниң уйғур яки хитай икәнликини шу вақитниң ‍өзидила айрип көрситидикән. Йәнә келип у кишиниң сақал-бурут қойған-қоймиғанлиқи яки нөвәттики таҗисиман вируси түпәйлидин һәммила киши маска тақашқа мәҗбур болуватқан әһвалдиму хатасиз һалда уйғурларни тонуп чиқалайдикән. Илгири хитайниң «Hikvision» ширкити дәл мушу хил техникини қолланғанлиқи үчүн әйибләнгән һәмдә кейинчә америка сода министирлиjи җазалиған «қара тизимлик» тики ширкәтләрниң бири болуп қалған иди.

Бу хәвәр иҗтимаий таратқуларда көп қетим һәмбәһирләнгән болуп, тордашлар арисида зор ғулғула қозғиған. Болупму хитай һөкүмитиниң уйғур дияридики бастуруш қилмишиниң дәл мушу хил көзитиш камералири билән зич мунасивәтлик болуши түпәйлидин «дахуа» ширкитиму өз вақтидила америка һөкүмитиниң «қар тизимлик» игә киргүзүлгән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт