“Daxu'a” shirkitining chiray tonush sistémisigha Uyghurlar kirgüzülgen

Yéqinda xitay hökümitining igidarchiliqidiki “Daxu'a téxnologiye shirkiti” yasap chiqqan közitish kamérasining bir muhim iqtidari chiray tonush jeryanida Uyghurlar we xitaylarni bir-biridin perqlendürüsh ikenliki melum boldi.

Mezkur közitish kamérasining mehsulat chüshendürülüshide éytilishiche, bu közitish aparatlirigha chüshken kishining barliq jismaniy alahidilikliri toghra körsitilish bilen birge, saqal-burut, tipik bolghan yüz qurulmisi alahidiliki qatarliqlargha bina'en shu kishining Uyghur yaki xitay ikenlikini shu waqitning ‍özidila ayrip körsitidiken. Yene kélip u kishining saqal-burut qoyghan-qoymighanliqi yaki nöwettiki tajisiman wirusi tüpeylidin hemmila kishi maska taqashqa mejbur boluwatqan ehwaldimu xatasiz halda Uyghurlarni tonup chiqalaydiken. Ilgiri xitayning “Hikvision” shirkiti del mushu xil téxnikini qollan'ghanliqi üchün eyiblen'gen hemde kéyinche amérika soda ministirliji jazalighan “Qara tizimlik” tiki shirketlerning biri bolup qalghan idi.

Bu xewer ijtima'iy taratqularda köp qétim hembehirlen'gen bolup, tordashlar arisida zor ghulghula qozghighan. Bolupmu xitay hökümitining Uyghur diyaridiki basturush qilmishining del mushu xil közitish kaméraliri bilen zich munasiwetlik bolushi tüpeylidin “Daxu'a” shirkitimu öz waqtidila amérika hökümitining “Qar tizimlik” ige kirgüzülgen iken.