Америка алаһидә қисимлири ирақта ислам дөлитиниң бир муһим әзасини қолға чүшүргән

Мухбиримиз җүмә
2016-03-06
Share


Америка алаһидә қисимлири шималий ирақта ислам дөлити - “даиш” қа тәвә бир муһим гумандарини қолға чүшүргән.

ABC Ниң хәвәр 2 - март қилишичә, мәзкур тутуш һәрикитини америка қуруқлуқ армийәсиниң террорлуққа қариши алаһидә мәхпий һәрикәт гурупписи - делта алаһидә қисми елип барған болуп, бу гумандар мәзкур мәхпий гуруппиниң тунҗи тутқуни икән.

Хәвәрләргә қариғанда, нөвәттә мәзкур тутқун америка даирилири тәрипидин сорақ қилинмақта икән.

Бу иштин хәвәрдар хадимларниң ABC телевизийисигә ашкарилишичә, мәзкур гуманда “даиш” қа тәвә муһим хадим болсиму, юқири дәриҗилик хадим әмәс икән.

“ню - йорк вақит гезити” ниң 1 - марттики хәвиригә қариғанда, америкиниң ирақта 200 кишилик алаһидә мәхпий гурупписи һәрикәт қиливатқан болуп, америка дөләт мудапиә министири аштон картер буларниң ирақта“ислам дөлити гумандарлирини тутуш яки олтуруш” вәзиписини өтәйдиғанлиқини дәлиллигән.

Америка алаһидә қисимлири өткән йили сүрийәдики бир һуҗумда ислам дөлитигә тәвә “абу сәййиф” террор тәшкилати башлиқиниң хотунини сүрийәдин тутуп чиққан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт