Amérika alahide qisimliri iraqta islam dölitining bir muhim ezasini qolgha chüshürgen

Muxbirimiz jüme
2016-03-06
Share


Amérika alahide qisimliri shimaliy iraqta islam döliti - “Da'ish” qa tewe bir muhim gumandarini qolgha chüshürgen.

ABC Ning xewer 2 - mart qilishiche, mezkur tutush herikitini amérika quruqluq armiyesining térrorluqqa qarishi alahide mexpiy heriket guruppisi - délta alahide qismi élip barghan bolup, bu gumandar mezkur mexpiy guruppining tunji tutquni iken.

Xewerlerge qarighanda, nöwette mezkur tutqun amérika da'iriliri teripidin soraq qilinmaqta iken.

Bu ishtin xewerdar xadimlarning ABC téléwiziyisige ashkarilishiche, mezkur gumanda “Da'ish” qa tewe muhim xadim bolsimu, yuqiri derijilik xadim emes iken.

“Nyu - york waqit géziti” ning 1 - marttiki xewirige qarighanda, amérikining iraqta 200 kishilik alahide mexpiy guruppisi heriket qiliwatqan bolup, amérika dölet mudapi'e ministiri ashton kartér bularning iraqta“Islam döliti gumandarlirini tutush yaki olturush” wezipisini öteydighanliqini delilligen.

Amérika alahide qisimliri ötken yili süriyediki bir hujumda islam dölitige tewe “Abu seyyif” térror teshkilati bashliqining xotunini süriyedin tutup chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet