Dalay lama özining izbasarini xitay hökümiti emes, tibet xelqi belgileydighanliqini bildürdi

Muxbirimiz ümidwar
2017-04-09
Share

Xitayning qattiq naraziliqigha qarimay, hindistan wizisigha érishken tibet sürgündiki rohaniy dahiysi dalay lama tibetlerdiki dalay lamaliq ornining tibet buddizimidiki "Qayta törilish" en'enisi boyiche tibet xelqi teripidin belgilinidighanliqi hem uning izbasarini xitayning belgiliyelmeydighanliqini tekitlidi.

Amérika awazining bu heqtiki xewiridin melum bolushiche, dalay lama bu sözini hindistanning arunachal pradish shitatida ötküzgen muxbirlarni kütüwélish yighinida qilghan bolup, u xitay da'irilirining özining iz basarini belgilesh hoquqi yoqluqi, chünki ularning até'ist ikenliki, yeni din'gha ishenmeydighanliqini eskertken.

Dalay lama bu yil ali rahiblar yighini chaqirip, kéyinki qétimliq dalay lama mesilisini muhakime qilidighanliqini bildürgen.

"Hindistan waqti" gézitining yézishiche, xitay terep ötken hepte hindistan hökümitining dalay lamaning arunachal pradish shitatida bir hepte pa'aliyet qilishigha ruxset qilishidin qattiq bi'aram bolup, naraziliq bildürgen bolsimu, emma hindistan terep buning "Özlirining ichki ishi" ikenliki, "Héchkimning dalay lamaning dini we meniwi pa'aliyetliri we uning hindistanning her qaysi shitatlirini ziyaret qilishigha her xil reng bermeslik"ni bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet