Dalay lama “Yer sharida tinchliqni saqlash we térrorizmgha tügitish üchün muhemmed peyghemberning yoligha egishish kérek”, dégen
Hindistanda chiqidighan “Karnataka musulmanliri” géziti aldinqi küni tibetlerning diniy dahiysi dalay lamaning dunya tinchliqini saqlashta muhemmed peyghemberning yoligha hörmet qilish kérekliki heqqidiki sözini basqan.
Dalay lama bu sözni yéqinda hindistanning misoré shehiride chaqirilghan buddizm muritlirining dunyawi uchrishishigha qatnashqanda éytqan.
U “Karnataka musulmanliri” gézitining muxbirigha mundaq dégen: “Muhemmed peyghemberning hayati pütün insanlar üchün eng yaxshi bir ülge. Dunya tinchliqini saqlash, zomigerlikni yoqitish we térrorizmni tügitishte biz choqum muhemmed peyghemberning tutqan yoligha egishishimiz kérek.”
Dalay lama yene mundaq dégen: “Qur'an kerim - bir muqeddes kitab shundaqla allahning insaniyetke ata qilghan qimmetlik sowghiti bolush süpiti bilen pütün insaniyetni yaxshiliqqa hem asayishliqqa yétekleydu. Muhemmed peyghemberning tinchliq, muhebbet, heqqaniyet we bashqa dinlarningmu bille mewjut bolup turushini qobul qilidighan körsetmiliri pütkül insaniyetke herwaqit mayak bolup kelmekte.”
Dalay lamaning islam dini we muhemmed peyghember heqqide éytqan hörmet sözliri “Karnataka musulmanliri” géziti arqiliq pütün dunyadiki islam taratqulirida keyni - keynidin ulap bésilmaqta.
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- “Qeshqer konasheher höjjiti” Uyghurlargha qaritilghan tutqunning kölimini yene bir qétim ashkarilidi
- Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- En'giliyediki bir teshkilat en'gliyening Uyghur élidiki wehshilikke chétishliq xitay saqchi organliri bilen bolghan alaqisini pash qildi
