Дерин байлерниң “террорлуқ капитализми: уйғурларниң хитай шәһиридә мүлүксиз қелиши вә әркәклик” намлиқ китаби нәшрдин чаққан

Америкалиқ уйғуршунаш, саймен фрейзер университетиниң ярдәмчи профессори дерин байлерниң “террорлуқ капитализми: уйғурларниң хитай шәһиридә мүлүксиз қелиши вә әркәклик” намлиқ китаби американиң дүк университети нәшрияти тәрипидин нәшр қилинған.

Мәлум болушичә, даррен байлер китабида хитайниң уйғурларни қандақ қилип һазирқи заман мустәмликисигә айландурғанлиқини нәзирийәләштүргән. У, хитайниң бир милйондин артуқ уйғурни аталмиш “қайта тәрбийәләш лагерлири” да тутуп туруши, униң уйғур земинидики байлиқни қезиш җәряниниң бир қисми икәнликини тәкитләп, униң бу һәрикитини “террорлуқ капитализми” дәп көрсәткән.

У йәнә үрүмчидә нәқ мәйдан етнографийәлик тәкшүрүши елип берип, дөләтниң “хитай” мәдәнийәт қиммәт қаришини йолға қоюши вә хитай көчмәнләр еқиминиң уйғурларни мүлүксиз қалдуруши вә шәһәрдин қоғлап чиқиришиға қандақ төһпә қошқанлиқлирини йорутуп бәргән. Дерин байлер китабида йәнә дөләт зораванлиқиниң асаслиқ нишани болған уйғур яшлириниң кәчүрмишлиригә, уларниң җинсий, етник вә иқтисадий зораванлиқтин өзини қоғдаш үчүн әркәклик вә достлуқни қандақ тәрәққий қилдуридиғанлиқиға алаһидә диққәт қилған.

Шундақла йәнә уйғурларни мустәмликә қилишниң сиясий, иқтисадий излирини тәкшүрүп, хитай дөләт капитализминиң уйғурларға қарита мустәмликичилик билән мустәмликә мунасивити бәрпа қилғанлиқини көрсәткән. Мәлум болушичә, униң “террорлуқ капитализми: уйғурларниң хитай шәһиридә мүлүксиз қелиши вә әркәклик” намлиқ бу китаби бу йил 12-айда рәсмий тарқитилидикән.