Ню-йорк вақти гезити: “сүний әқил әпи “DeepSeek” кә хитай әмәлдарлири кәң қучақ ачқан”

 “ню-йорк вақти гезити” (New York Times) ниң 18-марттики мәхсус хәвиригә асасланғанда, пүтүн хитайдики һөкүмәт органлири, “дипсик” (DeepSeek) ширкитиниң қурғучиси ши җинпиң билән көрүшкәндин буян бәс бәс билән сүний әқил әпи дипсик (DeepSeek) ни ишлитишкә һерисмән икәнликини көрсәткән.

Мәзкур хәвәрдә мундақ дейилгән: “сот мәһкимисиниң хадимлири ‛дипсик‚ (DeepSeek) ни бир нәччә минут ичидә қануний һөкүм тәйярлаш үчүн ишлитиду. Хитайниң шәрқидики фуҗудики бир дохтурханидики дохтурлар уни давалаш пиланини тәвсийә қилиш үчүн ишлитиду. Хитайниң җәнубидики шәһәр мейҗовда, һөкүмәт ярдәм линийәсидә дипсик (DeepSeek) ни ишлитип җаваб бериду. Хоңкоңға йеқин шәһәр шенҗенда йоқап кәткән яки йоқап кәткәнликини билдүргән кишиләрни издәватқан әмәлдарлар көзитиш синалғусини тәһлил қилиш үчүн дипсик (DeepSeek) ни ишләткән вә кәм дегәндә 300 әһвалда уларниң изини қоғлиялиған”.

Мутәхәссисләрниң билдүрүшичә, дипсик (DeepSeek) хитай һакимийитиниң контроллуқида болуп, һөкүмәт тәшвиқатиға мас һалда учур тарқитидикән. Йеқинда, хитайниң дипсик (DeepSeek) сүний әқил әп деталиниң уйғур ирқий қирғинчилиқини йошуридиған қоралға айланғанлиқи мәлум болған иди.

Америка авам палата әзаси вә дөләт мәҗлиси истихбарат комитети әзаси дерин лахуд (Darin LaHood) вә авам палата әзаси җош готтхаймер (Josh Gottheimer) дипсик (DeepSeek) ниң һөкүмәт әслиһәлиридә қоллинилишини чәкләш үчүн бир қанун лайиһәси тонуштурғаниди. Улар бу һәқтә елан қилған рәсмий баянатида хитай техника ширкитиниң америка әслиһәлиригә қарита җасуслуқ қилиш хәвпи барлиқини агаһландурғаниди.