Uyghur aptonom rayonluq ormanchiliq nazaritining sabiq naziri éziz qéyum délo turghuzulup tehqiqlen'gen

Muxbirimiz jüme
2016-09-03
Share


Shi jinpingning xitay kompartiyesi ichidiki parixorluq we xiyanetchilikni tazilash opératsiyesining Uyghur aptonom rayonida bir qisim Uyghur emeldarlarnimu nishan qiliwatqanliqi melum bolmaqta.

Xitay aliy xelq teptish mehkimisining tor bétidin melum bolushiche, nöwette Uyghur aptonom rayonluq ormanchiliq nazaritining sabiq naziri eziz qeyyum üstidin délo turghuzulup, tekshürülmektiken.

Xewerde déyilishiche, Uyghur aptonom rayonluq xelq teptish mehkimisi ormanchiliq nazaritining sabiq naziri eziz qeyyumni para élish jinayitige chétishliq dep délo turghuzghan. Teptish mehkimisi yene eziz qeyyumni tutup turup tekshürüshke bolidighanliqi we hetta déloni éniqlash üchün uninggha mejburlash tedbiri qollinishqa bolidighanliqi heqqide qarar chiqarghan.

Melum bolushiche, eziz qeyyum shayar nahiyesidiki asasiy qatlamdin ösken kadir bolup, 1990 - yillarda onsu nahiyesige hakim, kéyinche aqsu wilayetlik partkomning hey'iti, aqsu wilayitining mu'awin sékrétari qatarliq wezipilerni ötigen. 2003 - Yilidin kéyin Uyghur aptonom rayonluq déhqanchiliq nazaritining naziri, ormanchiliq nazaritining naziri qatarliq wezipilerni atquzghan. 2016 - Yili 5 - aydin buyan Uyghur aptonom rayonluq siyasiy kéngeshning mu'awin bash katipi wezipisige yötkelgen iken.

Közetküchiler, Uyghur aptonom rayonluq teptish mehkimisining sabiq nazir eziz qeyyum üstidin turghuzghan délosining mejburlash xaraktérini alghanliqining özi guman peyda qilidu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet