Derrin baylér: "Xitayning öz ichidiki musulmanlargha qozghighan yuqiri téxnikiliq urushi"

2019-04-12
Élxet
Pikir
Share
Print

Uyghur élida yürgüzülüwatqan siyasetler üstide tekshürüsh xaraktérlik muhim maqalilerni élan qilip kéliwatqan amérikaliq antropologiye tetqiqatchisi derrin baylér "Muhapizetchi" gézitide xitayning Uyghur rayonida yürgüzüwatqan siyasiti heqqide yene bir parche chong hejimlik maqale élan qildi.

"Xitayning öz ichidiki musulmanlargha qozghighan yuqiri téxnikiliq urushi" dep mawzu qoyulghan bu maqalide xitay hökümitining Uyghurlargha zerbe bérishte hazirqi yuqiri pen-téxnikidin qandaq paydilan'ghanliqi, qandaq téxnikilarni ishqa sélish arqiliq Uyghurlar hayatining herbir halqilirini kontrolluq astigha alghanliqi, qandaq ölchemler boyiche Uyghurlarning lagérgha yollan'ghanliqi qatarliq mesililer üstide tepsiliy mulahize yürgüzgen.

U maqaliside Uyghur élida yolgha qoyuluwatqan bundaq yuqiri téxnikiliq nazaret sistémisining xitayning téxnika baziri üchün bir sinaq meydani we shundaqla öz mehsulatlirini xelq'ara bazargha sélishtiki élan boluwatqanliqini tekitligen.

U yene rayondiki Uyghurlar bilen xitaylarning yuqiri pen-téxnikining ishlitilishige qarita oxshimaydighan köz qarashlirinimu sélishturup chiqqan. Uning bayan qilishiche, u sözleshken xitaylar rayonda xitay medeniyitini zorlap téngish, islam dinini cheklesh qatarliq siyasetlerdin qattiq pexirlinish bilen birge rayonda berpa qilin'ghan yuqiri téxnikiliq nazaret sistémilirini ghayet zor ghelibe, dep qaraydiken.

Halbuki, yene bir ismi "Dawut" dep élin'ghan bir Uyghur bolsa derrin baylérgha yuqiriqi bu teqib sistémilirining nurghun Uyghurni yutup ketkenlikini, xitay üchün Uyghurlarning peqet sanliq melumattinla ibaret ikenlikini, ularning insanliqining xitay hökümiti üchün héch bir qimmetni ipade qilmaydighanliqini éytqan we "Uyghurlar hazir hayat, biraq ular xuddi yene bir alemde yashawatqan erwahlarghila oxshap qaldi," dégen.

Toluq bet