Xitay hökümitining yéngi derslik kitabliri Uyghur aliy mekteplirige kirdi

2020-12-01
Share

Xitay ma'arip ministirliqining orunlashturushi boyiche “Dölet derijilik tümen kesip” we “Ölke derijilik tümen kesip” namida aliy mekteplerdiki kesip türliri üchün ishliniwatqan yéngi bir yürüsh derslik kitablar yéqinda resmiy tarqitilghan. “Béyjing géziti” ning 1-dékabirdiki xewiride éytilishiche, bularning ichide Uyghur diyaridiki aliy mektepler üchün tüzülgen 19 xil derslik kitablirimu bar iken.

Xewerde bu qétim aliy mekteplerning toluq kursliri üchün tüzülgen bu bir yürüsh derslik kitablarni teyyarlashqa bir türküm xitay akadémiklarning ishtirak qilghanliqi alahide tekitlinish bilen birge, bu derslik kitablarning idiyewi jehetlerdimu nahayiti yuqiri sewiyege yetkenliki éytilidu. Bu halni bezi analizchilar tenqidlep “Bu xitay hökümitining öz siyasiy ‍éhtiyaji asasida derslik matériyalliri teyyarlash hemde buni minglighan oqughuchilargha mejburiy téngip, ularni yéngi mangqurtlargha aylandurush urunushidin bashqa nerse emes” dédi.

Xitay hökümiti Uyghur diyaridiki bashlan'ghuch we ottura mekteplerde on nechche yildin buyan izchil qollinilip kélin'gen bir yürüsh derslik kitablarni 2016-yilidin bashlap “Eksiyetchil idiyeler bilen sughurulghan” dep emeldin qaldurghan hemde bu kitablarni tüzüshke qatnashqan köpligen Uyghur ziyaliylirini qamaqqa alghanidi. Emdilikte xitay kompartiyesining siyasiy mewqesige uyghunlashqan yéngi derslik kitablarning Uyghur aliy mekteplirige kirishi buningdiki meqsetlerni téximu ochuq ipadilidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet